თავდამსხმელმა რონალდომ "იუვენტუსის" დატოვება საბოლოოდ გადაწყვიტა, კლუბის ხელმძღვნელობას ტრანსფერზე დაყენება სთხოვა და გუნდის ბაზაზე თავისი კარადიდან პირადი ნივთები წაიღო, - იტყობინება ჟურნალისტი ფაბრიციო რომანო.
კრიშტიანოს აგენტი ჟორჟე მენდეში ტურინში კერძო თვითმფრინავით ჩაფრინდა, ჯერ თავის კლიენტს შეხვდა, ხოლო შემდეგ "იუვეს" ვიცე-პრეზიდენტ პაველ ნედვედს, გენერალურ დირექტორ მაურიციო არივაბენეს და სპორტული განვითარების ხელმძღვანელ ფედერიკო კებურინის.
"გაძეტა დელო სპორტი" ამტკიცებს, რომ პორტუგალიელს "მანჩესტერ სიტის" ვარიანტი მოსწონს, მაგრამ თავიდან იმის გამო ორჭოფობდა, რომ ადრე "მანჩესტერში" თამაშობდა. ის ჟორჟე მენდეშმა დაარწმუნა, რომ ამაში საგანგაშო არაფერია.
მოკლედ, ტრანსფერის
განსახორციელებლად ერთი დეტალიღა დარჩა - "სიტიმ" 25 მილიონი უნდა გადაიხადოს, თუმცა ჯერ თავს იკავებს. დრონი მეფობენ და არა მეფენიო - ცოტა ხნის წინ ვინ იტყოდა რონალდოს ამ ფასად შეძენაზე უარს?
ინგლისური მედია ტრანსფერს გადაწყვეტილად მიიჩნევს. მაგალითად, "დეილი მირორი" უკვე იმას არჩევს, "სიტის" სათამაშო სქემაში რა ადგილს დაიკავებს კრიშტიანო.
![alt](/pictures/image50/ed547a92bb988044a8842614b6fd3edc.jpg "რონალდომ "იუვენტუსის" ბაზიდან ნივთები წაიღო - "სიტი" ფულის გადახდაზე თავს იკავებს")
რონალდო გვარდიოლას ესაუბრა - ტრანსფერი განსახორციელებლად მზად არის
![ჩემპიონთა ლიგა. III ტური: რაფინიას ჰეთ-თრიკი - ელ კლასიკოს წინ "ბარსელონამ" "ბაიერნს" 4:1 მოუგო [VIDEO]](/pictures/image7/5b23cdea666d3812287c51b3c45cabb3.jpg "ჩემპიონთა ლიგა. III ტური: რაფინიას ჰეთ-თრიკი - ელ კლასიკოს წინ \"ბარსელონამ\" \"ბაიერნს\" 4:1 მოუგო [VIDEO]")
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
