"ლივერპულის" მთავარმა მწვრთნელმა იურგენ კლოპმა მუნდიალის ყოველ 2 წელში ჩატარების საკითხთან დაკავშირებით კომენტარი გააკეთა."მსოფლიოში სპორტის არცერთი სახეობა არ არის ისე დაუნდობლად დატვირთული, როგორც ფეხბურთია. არსებობს სპორტის უფრო რთული სახოებები, მაგალითად, სპორტული ტანვარჯიში, მარათონები, მაგრამ ისინიც წელიწადში 20-30-40-ჯერ დარბიან.
ჩვენ კი ყველამ ვიცით, რატომ ხდება ფეხბურთში ასე. ხალხმა სხვადასხვა ქვეყნის ბედ-იღბალზე საუბრით თავი რომ არ შეიწუხოს, პირდაპირ ვთქვათ - ყველაფერს ფულის გამო აკეთებენ.
ეს ნორმალურია. თუმცა, გარკვეულ მომენტში უნდა გავიგოთ, რომ ფეხბურთელების, ამ ბრწყინვალე თამაშის უმნიშვნელოვანესი ინგრედიენტების გარეშე, მატჩებს ვერ
გავმართავთ. მოთამაშეებზე უფრო მნიშვნელოვანი არავინაა.
ბოლო წლებში, შეხვედრების რიცხვის გასაზრდელად ყველაფერს აკეთებდნენ. გრძელვადიან პერსპექტივაში ეს უსამართლოა.
უნდა დადგეს მომენტი, როცა ფედერაციები ერთად დასხდებიან და საკუთარი მოგებების გარდა თამაშის შესახებაც დაიწყებენ ფიქრს.
მე უკვე 54 წლის წლის ვარ და არ ვარ დარწმუნებული, რომ იმ დღემდე მივაღწევ, როცა ეს მოხდება,"- განაცხადა კლოპმა.
მომზადებულია BBC Sport-ის მიხედვით
"მნიშვნელობა არ აქვს არაფერს, მინდა 1 წლით ნორმალურ ცხოვრებას დავუბრუნდე..." - კლოპმა "ლივერპულიდან" წასვლის თარიღი დაასახელა
