ინგლისის პრემიერლიგის 33-ე ტურში "ვესტ ჰემმა" "ბარნლის" უმასპინძლა. მატჩი ფრედ, 1:1 დასრულდა.
სტუმართა მხრიდან ანგარიში 33-ე წუთზე ბუტ ვეგჰორსტმა გახსნა. 45+1 წუთზე კორნეტმა თერთმეტმეტრიანი ვერ გამოიყენა და სხვაობის 2 ბურთამდე გაზრდაც ხელიდან გაუშვა.
საბოლოო ანგარიში 74-ე წუთზე ტომას სოუჩეკმა დააფიქსირა.
30-ე წუთზე სტუმართა ფეხბურთელი ეშლი ვესტვუდი და "ჩაქუჩების" ნახევარმცველი ნიკოლა ვლასიჩი მოედნის ცენტრში ერთმანეთს ბურთისთვის დაუპირისპირდნენ, რა დროსაც ეშლიმ უმძიმესი ტრავმა მიიღო. რა თქმა უნდა, ასეთ დროს ემოციები იმატებს და ნიკოლამაც ინციდენტი ძალიან განიცადა.
ჯერჯერობით უცნობია, რამდენს გამოტოვებს ვესტვუდი, თუმცა, როგორც ჩანს, დაზიანება მძიმეა.
