ინგლისის პრემიერლიგის 33-ე ტურის გადადებულ შეხვედრაში "ლივერპული" "ასტონ ვილას" "ვილა პარკზე" ესტუმრა და 2:1 დაამარცხა.
მატჩის დებიუტშივე, კერძოდ, მე-3 წუთზე, დუგლას ლუისმა მერსისაიდელების კარი აიღო. მე-6 წუთზე ჯოელ მატიპმა წონასწორობა აღადგინა.
თითქმის 1 საათი ტაბლოზე ანგარიში არ შეცვლილა, 65-ე წუთზე კი ლუის დიასის გადაცემით სადიო მანემ ისარგებლა და საკუთარ გუნდს მნიშვნელოვანი გამარჯვება შესძინა.
ამრიგად, "ლივერპულს" 36 ტურის შემდეგ 86 ქულა აქვს და მე-2 ადგილს იკავებს. პირველადგილოსანმა "სიტიმაც" ამდენივე ქულას მოუყარა თავი, თუმცა 1 მატჩით ნაკლები აქვს გამართული. იურგენ კლოპის შეგირდები 17 მაისს "საუთჰემპტონს" ესტუმრებიან.
"ასტონ ვილა" 43 ქულით მე-11 პოზიციაზე იმყოფება, 15 მაისს კი "კრისტალ პალასს" უმასპინძლებს.
