ინგლისური მედიის ინფორმაციით, პსჟ-ის ბრაზილიელი ვარსკვლავი ნეიმარი შესაძლოა, ზაფხულში პრემიერლიგაში აღმოჩნდეს. პარიზული გუნდი 31 წლის ფეხბურთელის ტრანსფერს "ლივერპულს" სთავაზობს, თანხად კი 80-90 მილიონი ევრო სახელდება.
ნეიმარს პსჟ-სთან კონტრაქტი 2026/27 წლების სეზონამდე აკავშირებს. ბოლო პერიოდში აქტიურად იწერებოდა იმის შესახებ, რომ ბრაზილიელის დამატება "ჩელსისაც" სურდა.
