The Sun-ის ინფორმაციით, მიმდინარე სეზონის დასრულების შემდეგ შესაძლოა, "ვესტ ჰემმა" გუნდის მთავარი მწვრთნელი დევიდ მოიესი დაითხოვოს. თუ ეს მართლაც ასე მოხდა, ლონდონური გუნდის ჩაბარების მთავარი კანდიდატი ხაბი ალონსო იქნება, ვინაც ამჟამად ბუნდესლიგის ბინადარ "ლევერკუზენს" უდგას სათავეში და საქმეს საკმაო წარმატებითაც აკეთებს.
"ჩაქუჩები" ამჟამად პრემიერ ლიგაში ადგილის შენარჩუნებისთვის იბრძვიან, ამავდროულად კი კონფერენს ლიგის ნახევარფინალში არიან გასულნი.
რაც შეეხება ალონსოს "ლევერკუზენს", "ფარმაცევტები" ევროპის ლიგის ნახევარფინალში იმყოფებიან.
