Daily Mail-ის ინფორმაციით, "მანჩესტერ იუნაიტედი" მომავალი სეზონისთვის ახალ მწვრთნელს ეძებს. მოსალოდნელია, რომ FA CUP-ის ფინალის შემდეგ "წითელი ეშმაკები" ამჟამინდელი თავკაცის ერიკ ტენ ჰაგის გადაყენებას გვაუწყებენ.
"მანჩესტერის" ხელმძღვანელობას ახალი მესაჭის პოზიციაზე ორი კანდიდატი ჰყავს.
ერთი "ბაიერნიდან" წამოსული ტომას ტუხელია, მეორე კი "იფსვიჩის" მწვრთნელი კირან მაკკენა. "ოლდ ტრაფორდზე" მუშაობის სურვილს ორივე მწვრთნელი გამოთქვამს.
