ESPN-ის ცნობით, "მანჩესტერ იუნაიტედის" ნახევარმცველი კაზემირო კლუბს მხოლოდ ერთ შემთხვევაში დატოვებს. თუ ბრაზილიელს "წითელი ეშმაკების" ხელმძღვანელები აცნობებენ, რომ გუნდში საჭირო აღარაა, მაშინ ის "ოლდ ტრაფორდიდან" წავა და სავარაუდოდ, თურქეთს მიაშურებს.
ინფორმაციისთვის, 32 წლის ფეხბურთელს კრიტიკის დიდი ქარცეცხლი პრემიერლიგის მე-3 ტურის მატჩის შემდეგ დაატყდა, სადაც მისი გუნდი "ლივერპულთან" 0:3 დამარცხდა და თავად რამდენიმე უპატიებელი შეცდომა დაუშვა.
