17 წლის გარემარბმა ამირ იბრაგიმოვმა „მანჩესტერთან“ თავისი პირველი პროფესიული კონტრაქტი გააფორმა. „ხელშეკრულების გაფორმებით გახარებული ვარ. არაფერი არ იცვლება, მძიმე შრომა გრძელდება. დიდება ალაჰს“, - დაწერა ამირმა სოციალურ ქსელში.
იბრაგიმოვი დაღესტანშია დაბადებული, 11 წლის იყო, როდესაც ოჯახთან ერთად საცხოვრებლად ბრიტანეთში გადაბარგდა, 2019-2021 წლებში „შეფილდ იუნაიტედის“ აკადემიაში ვარჯიშობდა, შემდეგ კი „მანჩესტერში“ გადავიდა. მან პრემიერლიგის 18-წლამდელთა მიმდინარე ჩემპიონატზე 16 მატჩში 6 გოლი გაიტანა და 4 საგოლე გადაცემა გააკეთა და რამდენჯერმე პირველ გუნდთან ერთადაც ივარჯიშა. ამირმა ინგლისის 15 და 16-წლამდე ნაკრებში ითამაშა.
