"სამდორიასთან" 0:2-ზე დამარცხების შემდეგ "მილანის" მწვრთნელს ვინჩენცო მონტელას კლუბის ხელმძღვანელობამ ულტიმატუმი წაუყენა, ან იტალიის ჩემპიონატის ორ უახლოეს მატჩში გამოასწორებს მდგომარეობას, ან არადა გადააყენებენ. გუშინ "რომასთან" 0:2 წააგო როსონერიმ და მონტელას 15 ოქტომბერს "ინტერთან" თამაშიღა დარჩა, თუმცა იხტიბარს მაინც არ იტეხს:"მომეწონა ჩვენი ფეხბურთელების ასპარეზობა. მეტოქეს ტოლ-სწორად ვეპაექრეთ, ბევრი მომენტი გვქონდა. რიცხობრივ უმცირესობაში დარჩენილები არ დავიბენით. "რომამ" გასულ სეზონში მე-2 ადგილი დაიკავა და შემადგენლობა შეინარჩუნა.
წაგება ფეხბურთის ნაწილია. ყველაფერს დეტალები წყვეტს. ერთი გოლი რომ გაგვეტანა, სხვანაირი თამაში წავიდოდა".
![ხვიჩა ნაადრევად შეცვალეს - "ნაპოლიმ" "რომა" დაამარცხა და ლიდერობა დაიბრუნა [VIDEO]](/pictures/image7/240ab75a036025365d13f8e710c768a8.jpg "ხვიჩა ნაადრევად შეცვალეს - \"ნაპოლიმ\" \"რომა\" დაამარცხა და ლიდერობა დაიბრუნა [VIDEO]")
