იტალიის თასის 1/4 ფინალურ მატჩში "ინტერის" წინააღმდეგ ტრავმის გამო ვერ ითამაშა "მილანის" კიპერმა ჯანლუიჯი დონარუმამ, მისმა 40 წლის დუბლიორმა მარკო სტორარიმ მოთელვაზე ტრავმა მიიღო და კარში ჯიჯის 27 წლის ძმა ანტონიო ჩადგა, რომელმაც თამაშის შემდეგ სიხარული ვერ დამალა:"მე კარგად ვარჯიშობდი და ჩემს სამუშაოს ვასრულებდი. შრომა ყოველთვის გიფასდება. "მილანში" უკეთეს დებიუტს ვერც ვინატრებდი. ამ გუნდში თამაში ჩემი ოცნება იყო. როდესაც გავიგე მე უნდა მეთამაშა, ცოტა არ იყოს შევცბი, მაგრამ საკუთარ თავს ვუთხარი, რომ შანსი უნდა გამომეყენებინა. დღეს ყველაფერი კარგად წარიმართა.
ანტონიო როსონერიში გადასვლამდე საბერძნეთის "ასტერასში", "ბარიში", "ჯენოაში", "გუბლიოში" და "პიაჩენცაში" ასპარეზობდა.
![მიქაუტაძის დასაფასებელი საქციელი - რა გააკეთა დონარუმასთან მისულმა ქართველმა პირველი ტაიმის დასრულების შემდეგ [VIDEO]](/pictures/image7/d5b2b6bf107c192ce5c28d07147feaad.png "მიქაუტაძის დასაფასებელი საქციელი - რა გააკეთა დონარუმასთან მისულმა ქართველმა პირველი ტაიმის დასრულების შემდეგ [VIDEO]")
