სანკტ-პეტერბურგის "ზენიტის" მცველი დომენიკო კრიშიტო, რომელმაც გუშინ "ლაიპციგის" კარი აიღო, ზაფხულის სატრანსფერო პერიოდში "ჯენოაში" დაბრუნდება. 31 წლის მცველი, რომელსაც ერთ დროს დიდ მომავალს უწინასწარმეტყველებდნენ, "ლუიჯი ფერარისზე" თავისუფალი აგენტის სტატუსით გადაბარგდება.
კრიშიტოს საფეხბურთო საწყისები სწორედ გენუურ კლუბს უკავშირდება, საიდანაც 2011 წელს რუსეთის ჩემპიონატში გადავიდა.
გუშინდელი გოლი მან დავიდე ასტორის მიუძღვნა და აღნიშნა, რომ ის მისი მეგობარი იყო.
