ლეონარდოს ეფექტი "მილანში" - როდესაც საქმეში პროფესიონალი ერთვება

ლეონარდო "მილანში" დაბრუნდა და ტექნიკური დირექტორი გახდა
ფაქტია, "მილანის" ძველმა დუეტმა, რომელსაც მასიმილიანო მირაბელი და მარკო ფასონე შეადგენდნენ, ვერ იმუშავა და კლუბის "ელიოტ ჯგუფის" მფლობელობაში გადასვლის შემდეგ, ისინი საბოლოოდ გაათავისუფლეს.

ლეონარდო ბონუჩი: ძნელად წარმოსადგენი იყო, თუ მე "იუვენტუსში" დავბრუნდებოდი
ამ ყველაფრით კი მისმა სეხნიამ ისარგებლა და ისეთი გარიგება გაჩარხა, "მილანის" ფანები რომ ვერც ინატრებდნენ.

ყველას კარგად მოგეხსენებათ, რომ "სან სიროზე" იბურთავებს იტალიის სერია A-ს ბოლო წლების ერთ-ერთი საუკეთესო და შედეგიანი ფორვარდი გონსალო იგუაინი.

გონსალო იგუაინი: "მილანს" შეუძლია ბევრს მიაღწიოს
ამას გარდა, ლომბარდიელებმა მატეა კალდარაც მიიღეს, ვინც "სკუადრა აძურას" მომავლად ითვლება და მასიმილიანო ალეგრიმ აღნიშნა კიდეც, რომ კალდარას გაშვება არ გვინდოდა, მაგრამ სხვანაირად ბონუჩის ვერ ვიბრუნებდითო.

ახლა ლეონარდოს ნახევარდაცვისთვის აქვს მისახედი და ამ ფრონტზეც აქტიურად მუშაობს.

"მილანის" სახელის გარშემო უკვე ორმა ცნობილმა გვარმა - იულიან დრაქსლერმა და ტიმუე ბაკაიოკომ გაიჟღერა.

უფრო მეტიც, ლონდონის "ჩელსის" ფრანგი ნახევარმცველის ტრანსფერს ბევრი ცნობილი გამოცემა გაჩარხულადაც მიიჩნევს და ის "სან სიროს" იჯარით მიაშურებს.

ლეონარდომ ასევე ახალი გუნდი მოუძებნა ნიკოლა კალინიჩს, რომელიც მადრიდის "ატლეტიკოში" გადადის და ის "როსონერის" ნამდვილად ვერ შეეწყო.

ნიკოლა კალინიჩი მადრიდის "ატლეტიკოში" დღეს ოფიციალურად გადავა
ბოლოს კი გეტყვით, რომ გუშინ იტალიაში შეხვედრა შედგა, სადაც ჯენარო გატუზომ, ლეონარდომ და პაოლო მალდინიმ სამომავლო გეგმებზე ისაუბრეს.

გეგმა მხოლოდ ერთია - ეს "მილანის" ძველი სახელის და დიდების დაბრუნებაა, რომელიც ჩემპიონთა ლიგაზე დაბრუნებით უნდა დაიწყოს.

"მილანის" დირექტორად პაოლო მალდინი დანიშნეს