8 მარტს, სერია A-ს 27-ე ტურში "იუვენტუსმა" საკუთარ მოედანზე 4:1 დაამარცხა "უდინეზე".
დუბლი 19 წლის თავდამსხმელმა მოიზე კინმა შეასრულა. აქამდე ის ამ სეზონში იტალიის ჩემპიონატზე ორჯერ შევიდა შეცვლაზე და ჯამში მხოლოდ 5 წუთი ითამაშა.
25-ე წუთზე ტრავმა მიიღო ტურინელთა მცველმა ანდრეა ბარძალიმ და შეცვალეს.
"იუვეს" 75 ქულა აქვს და უახლოესი მდევარი, "ნაპოლი" უკვე 19 ქულით ჩამორჩება.
ტურინი. "ალიანც სტადიუმი"
იუვენტუსი - უდინეზე 4:1
გოლები: 1:0 კინი (11), 2:0 კინი (39), 3:0 ჩანი (67, პენ), 4:0 მატიუიდი (71), 4:1 ლასანია (84)
13 მარტს "იუვენტუსი" ჩემპიონთა ლიგის განმეორებით 1/8-ფინალურ მატჩში "ატლეტიკოს" უმასპინძლებს. შეგახსენებთ, ბიანკონერიმ პირველი მატჩი 0:2 წააგო. მწვრთნელმა მასიმილიანო ალეგრიმ სწორედ ამ უმნიშვნელოვანესი დაპირისპირების წინ დაასვენა თავდამსხმელი რონალდო.
