26 ოქტომბერს, სერია A-ს მე-9 ტურში "იუვენტუსი" "ლეჩესთან" ფრეს (1:1) დასჯერდა და "ინტერს" გალიდერების შანსი გაუჩნდა, მაგრამ ვერ გამოიყენა.
"ნერიაძურიმ" სახლში "პარმას" ვერ მოუგო (2:2) და ამ გუნდს უკვე მეოთხე მატჩია საკუთარ მოედანზე ვერ ამარცხებს.
მასპინძლები კანდრევამ დააწინაურა, შემდეგ სტუმრებმა ორი გოლი გაიტანეს და პირველი ტაიმი 1:2 დასრულდა. შესვენების შემდეგ ლუკაკუმ ანგარიში გაათანაბრა. შეცვლაზე შესულმა მილანელთა 17 წლის თავდამსხმელმა ესპოზიტომ დარჩენილ დროში კარგი მომენტები ვერ გამოიყენა და გუნდებმა ქულები გაიყვეს.
"იუვენტუსი" 23 ქულით პირველ ადგილზეა, "ინტერი" მას 1 ქულით ჩამორჩება.
მომავალ ტურში, 30 ოქტომბერს "ინტერი" სტუმრად "ბრეშიას" შეხვდება, "იუვენტუსი" კი 31 ოქტომბერს "ჯენოას" უმასპინძლებს.
![მანქანის ფანჯარა ჩაუმსხვრიეს და იარაღი დაადეს - ნერეშს "პარმასთან" მატჩის შემდეგ მძარცველებმა საათი წაართვეს [VIDEO]](/pictures/image7/4445458f8267d47fddf7d1b218465f40.png "მანქანის ფანჯარა ჩაუმსხვრიეს და იარაღი დაადეს - ნერეშს \"პარმასთან\" მატჩის შემდეგ მძარცველებმა საათი წაართვეს [VIDEO]")
