24 იანვარს, სერია A-ს 21-ე ტურში "მილანმა" სტუმრად 1:0 დაამარცხა "ბრეშა".
ერთადერთი გოლი ხორვატმა თავდამსხმელმა ანტე რებიჩმა 71-ე წუთზე გაიტანა, რომელიც 58-ე წუთზე შევიდა შეცვლაზე. "როსონერის" ფორვარდმა ზლატან იბრაჰიმოვიჩმა შეუცვლელად ითამაშა და მეტოქის კარი ვერ დალაშქრა, თუმცა საგოლე კომბინაციაში აქტიური მონაწილეობა მიიღო.
რაც იბრა "მილანში" გადავიდა, გუნდმა ყველა ტურნირზე 5-დან 4 შეხვედრაში იმარჯვა.
პირველად სეზონში ჩემპიონატზე "მილანმა" ზედიზედ სამი მატჩი მოიგო - იქამდე სახლში "უდინეზეს" (3:2) და სტუმრად "კალიარის" 2:0 სძლია. "ბრეშიამ" კი ბოლო 6 შეხვედრიდან 4 წააგო.
"მილანი" 31 ქულით მეექვსე ადგილზეა და 2 თებერვალს "ვერონას" უმასპინძლებს.
![ჩემპიონთა ლიგა. VI ტური: "ბარსელონა" წინ მიიწევს - "სიტის" ვარდნა გრძელდება [VIDEO]](/pictures/image7/c8e7d601e4694196b77c5c02b5cb7d29.jpg "ჩემპიონთა ლიგა. VI ტური: \"ბარსელონა\" წინ მიიწევს - \"სიტის\" ვარდნა გრძელდება [VIDEO]")
