მილანის "ინტერის" პრეზიდენტი სტივენ ჩჟანი სერია A-ს ხელმძღვანელს, პაოლო დალ პინოს კორონავირუსის გამო გადატანილ მატჩებზე აკრიტიკებს.
"თქვენ საფეხბურთო კალენდრით ჟონგლიორობთ და ერის ჯანმრთელობა ყოველთვის მეორე პლანზე გადაგაქვთ. თქვენ ყველაზე დიდი ჯამბაზი ხართ, ვინც მე ოდესმე მინახავს. 48 საათით გადაწევა, 7 დღით გადაწევა, რა იქნება თქვენი შემდეგი ნაბიჯი?
ახლა კი სპორტულ ოსტატობასა და სამართლიან კონკურენციაზე საუბრობთ? რას იტყოდით იმაზე, რომ არ დაგვეცვა ჩვენი მწვრთნელები და ფეხბურთელები და გვეთხოვა, თქვენ გამო ყოველდღიურად ეთამაშათ?
კი, მე თქვენ გესაუბრებით, სერია A-ს თავმჯდომარევ, პაოლო დალ
პინო! როგორ არ გრცხვენიათ? მგონი, დრო მოვიდა, ადგეთ და აიღოთ საკუთარი პასუხისმგებლობა.
მივმართავ მთლიან პლანეტას. არ აქვს მნიშვნელობა, თქვენ "ინტერის" გულშემატკივარი ხართ, "იუვესი" თუ საერთოდ არავის ქომაგობთ. გთხოვთ, ფრთხილად იყავით. ეს ყველაზე მნიშვნელოვანია თქვენთვის, თქვენი ოჯახისთვის და ჩვენი საზოგადოებისთვის." - წერს ჩჟანი.
"იუვენტუსი" - "ინტერი" კორონავირუსის გამო გადაიდო
კორონავირუსი ლივერპულს უტევს, მესი რონალდოს ჯობია - 28-29 თებერვლის მიმოხილვა [VIDEO]
