იტალიის სერია A-ს 24-ე ტურში "ინტერმა" გასვლაზე "რომა" 4:2 დაამარცხა და მატჩის მიმდინარეობისას უსიამოვნო ინციდენტიც მოხდა. "მგლების" ფანები "ნერაძურის" ამჟამინდელი და "ლაციოს" ყოფილი მცველის მიმართ სკანდირებდნენ: "უნდა მოკვდე".
36 წლის უკანახაზელმა, რომელმაც აღნიშნულ დაპირისპირებაში ანგარიში მე-17 წუთზე გახსნა, "რომას" გულშემატკივრებს პასუხი გასცა და შუათითი აჩვენა.
აღსანიშნავია, რომ კარიერის განმავლობაში აჩერბიმ კიბოს დამარცხება შეძლო.
