თავდამსხმელი ვიქტორ ოსიმენი მალე დატოვებს "ნაპოლის". ეს ფაქტიურად კლუბის პრეზიდენტმა აურელიო დე ლაურენტისმა დაადასტურა, ხოლო ნიგერიის ნაკრების კაპიტანმა ვილიამ ტროსტ-ეკონგმა თქვა, რომ იცის, რომელ გუნდში გადავა ზაფხულში ოსიმენი, მაგრამ ვერ გაამხელს.
ცნობილია, რომ ოსიმენს "არსენალი" ეპატიჟება, GiveMeSport-ი კი იტყობინება, რომ ლონდონურ კლუბს მისი შეძენა გაუჭირდება, რადგან გამოსასყიდად 100 მილიონი ფუნტის გადახდა მოუწევს და თანაც ფეხბურთელი მაღალ ხელფასს ითხოვს - კვირაში დაახლოებით 300 ათას ფუნტს. თუ "მეთოფეები" ვიქტორს დათანხმდა, ის გუნდში ერთ-ერთი მაღალანაზღაურებადი მოთამაშე გახდება. მისი ამჟამინდელი წლიური გასამრჯელო 10 მილიონი
ევროა, თუმცა უცნობია, ამ თანხას უკვე იღებს, თუ ზაფხულიდან უნდა აიღოს.
გამოცემა იტყობინება, რომ თუ "არსენალმა" ეს ტრანსფერი ვერ განახორციიელა, ოსიმენს არანაკლები შეთავაზებები საუდის არაბეთის კლუბებისგან აქვს, რომლებიც მის ხელში ჩასაგდებად დიდი ფულის გადასახდელად მზად არიან. ასე რომ, ხვიჩა კვარაცხელიას აგენტის, მამუკა ჯუღელის ნათქვამი, რომ ვიქტორი შეიძლება საუდის არაბეთში გადაბარგდეს, რეალობას მოკლებული არ არის.
რაც შეეხება ნახევარმცველ ჟორჟინიოს "ნაპოლიში" დაბრუნებას, მისმა აგენტმა განაცხადა, რომ მიზანი ივნისამდე "არსენალთან" მოქმედი კონტრაქტის გაგრძელებაა.
![alt](/pictures/image50/c308d73e0dcfe6a2f8cd3d66b3c6e6eb.jpg "ოსიმენს მადა გაეზარდა - ცნობილიო გახდა, რა ხელფასი მოსთხოვა ნიგერიელმა "არსენალს"")
დე ლაურენტისი: ფეხბურთი ავადაა - ოსიმენის ტრანსფერი?
![ხვიჩა ნაადრევად შეცვალეს - "ნაპოლიმ" "რომა" დაამარცხა და ლიდერობა დაიბრუნა [VIDEO]](/pictures/image7/240ab75a036025365d13f8e710c768a8.jpg "ხვიჩა ნაადრევად შეცვალეს - \"ნაპოლიმ\" \"რომა\" დაამარცხა და ლიდერობა დაიბრუნა [VIDEO]")
