Corriere del Veneto-ის ცნობით, თავის სამშობლოში ლეგენდარული იტალიელი ფეხბურთელი რობერტო ბაჯო გაძარცვეს. ზემოთ აღნიშნული წყაროს ინფორმაციით, მინიმუმ ხუთი შეიარაღებული კაცისგან შემდგარი ბანდა შეიჭრა "მილანის", "იუვენტუსის" და "ინტერის" ყოფილი ნახევარმცველის სახლში, როდესაც ის ოჯახთან ერთად იტალია-ესპანეთის ევრო 2024-ის მატჩს უყურებდა.
ვარაუდობენ, რომ ძარცვა პროფესიონალების მიერ იყო დაგეგმილი და ის იტალიისა და ესპანეთის შეხვედრის დროს სპეციალურად დაამთხვიეს.
ბაჯოს სახლში მინიმუმ 5 შეიარაღებული ადამიანი შეიჭრა. ყოფილმა ფეხბურთელმა ერთ-ერთ მათგანთან დაპირისპირება სცადა. კრიმინალმა მას შუბლში იაღარის კონდახი ჩაარტყა, რის შემდეგაც ბაჯო და მისი ოჯახი
დამნაშავებმა ძვირფასეულობა, თანხა და საათები მოიპარეს. ზარალის ზუსტი ოდენობა ამ ეტაპზე უცნობია. როდესაც რობერტო მიხვდა, რომ მძარცველები წავიდნენ, კარები გაანგრია და შემდეგ კარაბინერებს დაურეკა.
ბაჯო უახლოეს საავადმყოფოში გადაიყვანეს და შუბლზე ნაკერები დაადეს. საბედნიეროდ, მისი მეუღლე და სამი შვილი უვნებლად გადარჩნენ.
