27 წლის ბრაზილიელი შემტევი დავიდ ნერესი (სიმაღლე 175 სმ) მალე "ბენფიკადან" "ნაპოლიში" გადავა, - იტყობინება SportMediaset-ი.
გამოცემის მტკიცებით, ნეაპოლური კლუბი ნერესს 25 მილიონ ევროდ (პლუს ბონუსები) შეიძენს, ხუთწლიან კონტრაქტს გაუფორმებს და სეზონურ გასამრჯელოდ 2-3 მილიონ ევროს დაუნიშნავს.
ჟურნალისტი ნიკოლო სკირა სოციალურ ქსელში წერს, რომ ნერესს "ნაპოლიში" გადაბარგება სურს, ხელშეკრულების პირობები უკვე შეათანხმა და სხვა კლუბების შეთავაზებები უარყო.
დავიდმა გასულ სეზონში ყველა ტურნირზე 35 მატჩში 5 გოლი გაიტანა და 10 საგოლე გადაცემა გააკეთა, ბრაზილიის ნაკრებში კი მის ანგარიშზე 8 შეხვედრაში 1
გოლია.
მწვრთნელი ანტონიო კონტე ნერესისა და "ჩელსის" თავდამსხმელის რომელუ ლუკაკუს სასწრაფოდ დამატებას მოითხოვს, მაგრამ ეს ფინანსურად იქამდე ვერ მოხერხდება, ვიდრე ვიქტორ ოსიმენს არ გაყიდიან.
მწვრთნელი ანტონიო კონტე ნერესისა და "ჩელსის" თავდამსხმელის რომელუ ლუკაკუს სასწრაფოდ დამატებას მოითხოვს, მაგრამ ეს ფინანსურად იქამდე ვერ მოხერხდება, ვიდრე ვიქტორ ოსიმენს არ გაყიდიან.
![alt](/pictures/image50/f5188f206179da51a1ac37e73556cf92.jpg "ბრაზილიელი შემტევი "ნაპოლიში" გადასასვლელად მზადაა - პრობლემა ოსიმენია")
"ნაპოლიმ" შეიძლება ლოსანოს პოზიციაზე "ბენფიკას" გარემარბი შეიძინოს
