24 წლის თავდამსხმელს ჯაკომო რასპადორის მწვრთნელი ანტონიო კონტე სისტემატურად არ ათამაშებს, მხოლოდ შეცვლაზე უშვებს მოედანზე, კლუბის პრეზიდენტი აურელიო დე ლაურენტისი კი მის გაყიდვაზე ფიქრობდა. რასპადორით „რომა“, „ატალანტა“ და „იუვენტუსი“ არიან დაინტერესებული, განსაკუთრებით ფორვარდის გადაბირებას ბერგამოული კლუბი ცდილობს, თუმცა როგორც ჩანს, არცერთს არაფერი არ გამოუვა. მიზეზი ჯაკომოს „ვენეციასთან“ გამარჯვების მომტანი გოლია. ის 70-ე წუთზე შევიდა შეცვლაზე და 79-ეზე დალაშქრა ფილიპ სტანკოვიჩის კარი. იქამდე მის ანგარიშზე მიმდინარე სეზონში ყველა ტურნირზე 11 მატჩში 1 საგოლე გადაცემა იყო.
Sky Sport-ის ცნობილი სატრანსფერო ექსპერტი ჯანლუკა
იტალიელმა მწვრთნელმა დავიდე დიონიჯიმ რადიო Kiss Kiss Napoli-ს ეთერში განაცხადა, რომ ჯაკომო ურიგო ფეხბურთელი არ არის, მაგრამ დაცვის დასახმარებლად მოედნის საკუთარ ნახევარზე დაბრუნება დიდად არ უყვარს, რაც გამოსასწორებელი აქვს, რამეთუ ეს გუნდს პრობლემას უქმნის.
რასპადორი „ნაპოლიში“ 2023 წელს „სასუოლოდან“ გადავიდა, კონტრაქტი 2028 წლის ზაფხულამდე აქვს გაფორმებული, Transfermarkt-ის მიხედვით კი მისი ღირებულება 15 მილიონი ევროა. მან იტალიის ნაკრებში 35-ჯერ ითამაშა და 7 გოლი გაიტანა.
"ნაპოლიმ" "ვენეციას" მოუგო და სერია A-ს თანალიდერია [VIDEO]
კონტეს უყვარს მორბენალი, ვირი ფეხბურთელები, რომლებიც დაცვაში ჩამოდიან.
ძალისმიერი კატენაჩოს სტილის მიმდევარია.
კვარა ვერ იხსნება ბოლომდე მაგის გამო, და რასპადორი ხომ საერთოდ მჩატეა.
მაგრამ როცა რაიმე გადაწყვეტილება მიღებულია და შემთხვევით, მცველისგან ასხლეტილი ბურთის გატანის შემდეგ რადიკალურად იცვლება გეგმები, ეგ კიდევ ერთხელ მიუთითებს ლაურენტისის დაულაგებლობაზე და სიბრიყვეებზე.