სლოვაკეთთან მსოფლიოს ჩემპიონატის შესარჩევი ციკლის მატჩის დასრულებამდე 15 წუთით ადრე ინგლისის ეროვნული გუნდის ნახევარმცველის, დელე ალის მეტოქის საჯარიმოსთან წესების დარღვევით შეჩერებას ყურადღება არ მიაქცია მსაჯმა კლემან ტიურპენმა, გაბრაზებულმა ფეხბურთელმა კი შუათითი უჩვენა. ამის გამო დელე ალის უეფა მკაცრად დასჯიდა და ალბათ, სხვისი რჩევით გამოსავალი მონახა. თქვა, ჩემს თანაგუნდელს და კარგ მეგობარს, კაილ უოკერს გავეხუმრე, ბოდიშს ვიხდიო.
"სამი ლომის" თავკაცმა გარეთ საუთგეითმა განაცხადა, რომ ეს მომენტი ვერ დაინახა და ამ ორ ფეხბურთელს ურთიერთობის უცნაური მანერა აქვთ.
