მუნდიალი 2018: საფრანგეთი - არგენტინა 4:3 ობიექტურად უკეთესმა გუნდმა გაიმარჯვა [VIDEO]

მსოფლიოს ჩემპიონატის მერვედფინალში საფრანგეთის ნაკრებმა 4:3 დაამარცხა არგენტინა და დამსახურებულად გავიდა 1/4 ფინალში.

საფრანგეთის ნაკრები ამ შეხვედრაში ფავორიტი იყო, თავიდანვე შეუტია და გრიზმანმა საჯარიმოდან ბურთი ძელს გაარტყა, მე-13 წუთზე კი გალები დაწინაურდნენ: მბაპემ 50-მეტრიანი რეიდი განახორციელა, როხო იძულებული იყო საჯარიმოში წაექცია და თერტმეტმეტრიანით გრიზმანმა გახსნა ანგარიში. შემდეგ მბაპე ისევ გაექცა მეურვეებს და საჯარიმოს ხაზთან მოცელეს. ტალიაფიკომ ყვითელი ბარათი მიიღო, პოგბამ კი საჯარიმო დარტყმა უხეიროდ შეასრულა. არგენტინის ნაკრებმა შეტევების ორგანიზება ვერ მოახერხა, მომენტის მსგავსიც კი ვერ შექმნა და 41-ე წუთზე დი მარიას შორიდან გატანილი გოლი ლოგიკიდან სრულად ამოვარდნილი იყო. პსჟ-ს ნახევარმცველს ჯგუფურ ეტაპზე არაფერი სახეირო არ გაუკეთებია და მოულოდნელად ახეირა თავისი გუნდი. მან გოლი 27.6 მეტრიდან გაიტანა, რაც მიმდინარე ტურნირის რეკორდია.

შესვენების შემდეგ დი მარია საჯარიმოსთან წააქციეს, ჩაწოდებული ბურთი საბოლოოდ მერკადოს მიუვიდა და ვერცხლისქვეყნელები დაწინაურდნენ. თუმცა, ალბისელესტეს სიხარული ხანმოკლე აღმოჩნდა - მალე პავარმა ანარიში გაათანაბრა. მერე მბაპემ ორი გოლი გაიტანა, კომპენსირებულ დროში აგუერომ ანგარიშში სხვაობა მინიმუმამდე შეამცირა და სამხრეთამერიკელები დამარცხდნენ.

შაბათი. 30 ივნისი. კაზანი. 42 873 მაყურებელი
საფრანგეთი - არგენტინა 4:3
გოლები: 1:0 გრიზმანი (13, პენ), 1:1 დი მარია (41), 1:2 მერკადო (48), 2:2 პავარი (57), 3:2 მბაპე (64), 4:2 მბაპე (68), 3:4 აგუერო (90+2)

საფრანგეთი: ლორისი, პავარი, ვარანი, უმტიტი, ერნანდესი, პოგბა, კანტე, მატუიდი (ტოლისო 76), გრიზმანი (ფეკირი 83), ჟირუ, მბაპე (ტოვენი 88)

არგენტინა: არმანი, მერკადო, ოტამენდი, როხო (ფასიო 46), ტალიაფიკო, პერესი (აგუერო 65), მასკერანო, ბანეგა, პავონი (მესა 76), მესი, დი მარია