დღეს, 10 სექტემბრის გამთენიისას, სამხრეთ ამერიკაში მსოფლიოს საკვალიფიკაციო ეტაპის მორიგი ტური გაიმართა. არგენტინამ ბოლივიას უმასპინძლა და 3:0 დაამარცხა, სამივე გოლი ლიონელ მესის ანგარიშზეა.
"ალბისელესტეს" კაპიტანმა თავი მე-14, 64-ე და 88-ე წუთზე გამოიჩინა. დღევანდელი სამი გოლის შემდეგ ეროვნულ ნაკრებში მესის 79 გოლი დაუგროვდა, რითაც ლეგენდარულ პელეს რეკორდი (77) გააუმჯობესა, მოქმედი ფეხბურთელებიდან ნეიმარს 69, ლუის სუარესს კი 64 გოლი აქვს გატანილი.
8 ტურის შემდეგ არგენტინას 18 ქულა აქვს და მე-2 ადგილზე იმყოფება, ბოლივიამ 9 შეხვედრა გამართა, 6 ქულა მოიპოვა და ბოლოსწინა, მე-9
"ალბისელესტეს" ნაკრები მომდევნო შეხვედრას 7 ოქტომბერს, პარაგვაის წინააღმდეგ გამართავს, ბოლივია იმავე რიცხვში ეკვადორს ესტუმრება.
გამოსარჩევია ნეიმარის თამაში, პსჟ-სა და ეროვნული ნაკრების ერთ-ერთი ლიდერის შეჩერება მოედანზე ვერავინ შეძლო.
8 ჩატარებული შეხვედრის შემდეგ ბრაზილია 24 ქულით 1-ელ ადგილს იკავებს, პერუს 9 ტურის შემდეგ 8 ქულა აქვს.
"სელესაო" მომდევნო შეხვედრას 7 ოქტომბერს, ვენესუელას წინააღმდეგ გამართავს, პერუ იმავე რიცხვში ჩილეს უმასპინძლებს.
მასპინძლებმა პირველი ტაიმი მიგელ ბორხას ორ წუთში გატანილი ორი გოლის წყალობით მოიგეს, "გრემიოს" თავდამსმხელმა თავი მე-19 და მე-20 წუთზე გამოიჩინა.
მეორე ნახევარში სტუმრები გაააქტიურდნენ, 56-ე წუთზე კი ჯინ მენესესმა სხვაობა შეამცირა, შეხვედრის საბოლოო ანგარიში 74-ე წუთზე ლუის დიასმა დააფიქსირა.
ამრიგად, 9 ტურის შემდეგ კოლუმბიას 13 ქულა აქვს და მე-5 ადგილს იკავებს, მოულოდნელად ჩილეს 7 ქულა აქვს და მე-8 ადგილზე იმყოფება.
კოლუმბია მომდევნო შეხვედრას 7 ოქრომბერს, ურუგვაის წინააღმდეგ გამართავს, ჩილე იმავე რიცხვსი პერუს ესტუმრება.
![უდრამატულეს შეხვედრაში მესის გუნდი დამარცხებულია - ლობჟანიძეს ლეგენდარულ არგენტინელთა დაპირისპირება უკვე გადამწყვეტ მატჩში მოუწევს [VIDEO]](/pictures/image7/c271a1c191ad0ddce5f0ddf7c9d5c5b6.jpg "უდრამატულეს შეხვედრაში მესის გუნდი დამარცხებულია - ლობჟანიძეს ლეგენდარულ არგენტინელთა დაპირისპირება უკვე გადამწყვეტ მატჩში მოუწევს [VIDEO]")
მოკლედ მეც იგივე დამემართა, გამიგრძელდა.