დღეს, 13 ნოემბრის გამთენიისას სამხრეთ ამერიკაში 2022 წლის მსოფლიოს საკვალიფიკაციო ეტაპის მე-13 ტურის ბოლო შეხვედრა გაიმართა, სადაც არგენტინა ურუგვაის ესტუმრა და მინიმალური ანგარიშით, 1:0 დაამარცხა.
"ალბისელესტემ" ერთადერთი გოლი დებიუტშივე, მე-7 წუთზე გაიტანა, თავი ანხელ დი მარიამ გამოიჩინა.
მოგეხსენებათ, ლიონელ მესის პსჟ-ს მაისურით 29 ოქტომბრის შემდეგ აღარ უთამაშია (სავარაუდოდ "ლილთან" მატჩში მიიღო მსუბუქი ტრავმა), ამიტომ მთავარმა მწვრთნელმა, სკალონიმ ფეხბურთელი სათადარიგოთა სკამზე დასვა და სათამაშოდ 76-ე წუთზე ჯოვანი ლო ჩელსოს ნაცვლად შეუშვა.
ასე თუ ისე არგენტინამ მორიგი შეხვედრა მოიგო, 12 მატჩის შემდეგ "ალბისელესტეს" 28 ქულა აქვს და მე-2 ადგილზე იმყოფება, მომდევნო მატჩს კი 17 ნოემბერს, ბრაზილიის წინააღმდეგ გამართავს.
ურუგვაი 13 ტურის შემდეგ 16 ქულით მე-6 ადგილს იკავებს, მე-14 ტურში კი ბოლივიას ესტუმრება, მატჩი იმავე 17 ნოემბერსაა ჩანიშნული.
![მესის საგოლე პასი და ლაუტარო მარტინესის ულამაზესი გოლი პერუსთან [VIDEO]](/pictures/image7/25c06cac30defd4149f49eb371b8b6cb.jpg "მესის საგოლე პასი და ლაუტარო მარტინესის ულამაზესი გოლი პერუსთან [VIDEO]")
![ლობჟანიძის გუნდის უდიდესი სენსაცია - "ატლანტამ" ლიონელ მესის მაიამის "ინტერი" პლეი-ოფიდან გამოთიშა [VIDEO]](/pictures/image7/a581ca8bbae97f197cb41508a299498a.jpg "ლობჟანიძის გუნდის უდიდესი სენსაცია - \"ატლანტამ\" ლიონელ მესის მაიამის \"ინტერი\" პლეი-ოფიდან გამოთიშა [VIDEO]")
