მსოფლიოს ჩემპიონატის მერვედფინალში არგენტინამ ავსტრალია 2:1 დაამარცხა.
მოლოდინისამებრ ინიციატივას „ალბისელესტე“ ფლობდა, პირველ ტაიმში სწრაფად არ უტევდა, მომენტებს ვერ ქმნიდა, თამაში მთლად ლამაზი სანახავი არ იყო და მესიმ მაინც დააწინაურა თავისი გუნდი - მუნდიალებზე ოცდამესამე მატჩში მეცხრედ, პლეი-ოფში კი პირველად გაიტანა.
მეორე ტაიმი უფრო თვალსასეირო გამოვიდა: ვერცხლისქვეყნელები მშვიდად ელოდნენ მეტოქის შეცდომას და 57-ე წუთზე მეკარე რაიანმა დე პაულის აქტიურობის შედეგად ეს შეცდომა დაუშვა კიდეც, რითაც ალვარესმა ისარგებლა და გაიტანა. მწვანე კონტიტენტის წარმომადგენლები გოლის გამტანები არ ჩანდნენ, მაგრამ შორიდან გუდვინის დარტყმული ბურთი ფერნანდესს მოხვდა და რიკოშეტით ე. მარტინესის კარში აღმოჩნდა. მერე ბეჰიჩმა სლალომით შეირბინა არგენტინელთა საჯარიმოში და ბოლო მომენტში მცველმა ლ. მარტინესმა დაუბლოკა დარტყმა. შეხვედრის დასასრულს სამხრეთამერიკელებმა რამდენიმე შანსი გაუშვეს ხელიდან და კინაღამ დაისაჯნენ - ზედ მსაჯის საფინალო სასტვენის წინ ახლო მანძილიდან კოულს მეკარემ არ გაატანინა და მატჩიც დასრულდა.
9 დეკემბერს არგენტინა მეოთხდფინალში ნიდერლანდებს დაუპირისპირდება.
- არგენტინა ბოლო ხუთი მუნდიალიდან მეოთხედ გავიდა მეოთხედფინალში.
- მესიმ კარიერაში მეათასე მატჩი ჩაატარა (778 ბარსელონაში, 53 პსჟ-ში, 169 ნაკრებში - 789 გოლი და 338 საგოლე გადაცემა).
ალ რაიანი. "ახმად ბინ ალი". 45 032 მაყურებელი
არგენტინა - ავსტრალია 2:1
გოლები: 1:0 მესი (39), 2:0 ალვარესი (57), 1:2 ფერნანდესი (77, საკ. კარში)
2022 წლის მუნდიალის ჯგუფური ეტაპის 6 საუკეთესო მატჩი
მსოფლიოს ჩემპიონატის ერთ-ერთი აღმოჩენა - რას წარმოადგენს ავსტრალიის ნაკრები?
![ერთ-ერთი საუკეთესო მატჩი მსოფლიოს ჩემპიონატზე - გერმანიამ ავსტრალიის ნაკრები დაძაბულ ბრძოლაში დაამარცხა [VIDEO]](/pictures/image7/2ef666ea17f93da1a7fe7f4c26706541.png "ერთ-ერთი საუკეთესო მატჩი მსოფლიოს ჩემპიონატზე - გერმანიამ ავსტრალიის ნაკრები დაძაბულ ბრძოლაში დაამარცხა [VIDEO]")
Აბა როგორ მოუხდებოდა მსოფლიო ჩემპიონატს ჩვენი ბარსაგიანი.მსოფლიო დონის ვარსკვლავი.მომავალი ჩვენია!!!!
ქართული ენის კურსებზე იარე და თანხას მე გადავიხდი
Argentina chempioni a!!!