საფრანგეთის ჩემპიონატის მე-12 ტურში "ნიცამ" სახლში 1:0 დაამარცხა "დიჟონი" და სატურნირო ცხრილში 13 ქულით მე-15 ადგილზეა. ეს ერთადერთი გოლი მე-40 წუთზე თერთმეტმეტრიანით მარიო ბალოტელიმ გაიტანა.თუმცა, სუპერმარიომ უარყოფითადაც წარმოაჩინა თავი - 89-ე წუთზე მეტოქის მცველი სედრიკ იამბერე მოცელა და მსაჯმა პირდაპირი წითელი ბარათი უჩვენა, რის გამოც ერთობ უკმაყოფილო დარჩა.
ბალო ევროპის წამყვან ხუთ ჩემპიონატზე ერთადერთი თავდამსხმელია, რომელიც ბოლო ორ სეზონში მოედნიდან სამჯერ გააძევეს.
ისე, ურიგოდ როდი თამაშობს, მიმდინარე სეზონში ყველა ტურნირზე 18 მატჩში 13 გოლი გაიტანა.
![გამორჩეული ოდიშიარია და "რიგასის" საპატიო ფრე "ანდერლეხტთან" [VIDEO]](/pictures/image7/3730e9823073b388ae01bf5f8e313092.jpg "გამორჩეული ოდიშიარია და \"რიგასის\" საპატიო ფრე \"ანდერლეხტთან\" [VIDEO]")
