"მანჩესტერ იუნაიტედის" ყოფილმა თავდამსხმელმა ერიკ კანტონამ ბრაზილიელი თავდამსხმელი ნეიმარი "ბარსელონადან" პსჟ-ში გადასვლის გამო გააკრიტიკა:"როდესაც 25 წლის კაცი "ბარსელონასა" და ბრაზილიის ნაკრებში თამაშობს, ძალაუნებურად მოგინდება დაუსვა კითხვა - რატომ გადაბარგდი საფრანგეთში? ძალიან გინდოდა "ამიენებთან" და "გენგამებთან" თამაში?
ჩემპიონთა ლიგა? ეს სეზონში მაქსიმუმ 10 მატჩია. ვერ გავიგე, რატომ გადადგა ეს ნაბიჯი. ფეხბურთის სიყვარული მე სხვანაირად მესმის".
