პსჟ პარიზში დიდად პოლულარული გუნდი გახდა და თვით აუტსაიდერებთან მატჩებზეც პირთამდე ივსება 48-ათასიანი "პარკ დე პრენსი". ასე იყო 9 დეკემბერს საფრანგეთის ჩემპიონატის მე-17 ტურში "ლილთან" მატჩშიც, რომელიც დედაქალაქელებმა ნეიმარის გარეშე დაამარცხეს 3:1. მასპინძლები დიდ ტერიტორიულ და სათამაშო უპირატესობას ფლობდნენ და წინა ტურში "სტრასბურგთან" წაბორძიკების და ჩემპიონთა ლიგაზე მიუნხენის "ბაიერნთან" წაგების შემდეგ, დამსახურებულად მიითვალეს მორიგი 3 ქულა.
"მონაკომ" სახლში გაჭირვებით სძლია "ტრუას" 3:2. აღსანიშნავია, რომ 71-ე წუთამდე ანგარიში 0:2 იყო, შემდეგ მატიე დეპანმა ავტოგოლი გაიტანა, ხოლო 85-ე და 88-ე წუთებზე გვიდო კარილომ დუბლი მიითვალა და მონეგასკური კლუბი "პარი სენ ჟერმენს" ისევ 9 ქულით ჩამორჩება.
დღეს "ლიონი" გასვლაზე "ამიენს" ხვდება, "მარსელი" კი "სენტ ეტიენს" მასპინძლობს.
