9 იანვარს, საფრანგეთის თასის 1/4 ფინალში ჩემპიონატის აუტსაიდერმა "გენგამმა" სტუმრად პსჟ 2:1 დაამარცხა და ნახევარფინალში გავიდა.
გამარჯვების გოლი ცნობილი ფეხბურთელის, ლილიან ტიურამის 21 წლის შვილმა მარკუს ტიურამმა გაიტანა.
მარკუსი "სოშოს" აღზრდილია და ამ სეზონში გალთა პირველობის 14 მატჩში 7 გოლი გაიტანა.
აღსანიშნავია, რომ მსაჯმა "პარი სენ ჟერმენის" კარში სამი თერთმეტმეტრიანი დანიშნა, რომელთაგან ერთი ტიურამმა ვერ გამოიყენა.
პსჟ-ს აქამდე ზედიზედ ხუთჯერ ჰქონდა საფრანგეთის თასი მოგებული.
ნეიმარმა გოლი+პასის სისტემით წელიწადნახევარში (51 მატჩში) 70 ქულა მოაგროვა - 46 გოლი და 24 საგოლე გადაცემა.
პარიზი. "პარკ დე პრენსი"
პსჟ - გენგამი 1:2
გოლები: ნეიმარი (62), 1:1 ნ'გბაკოტო (81, პენ), 1:2 ტიურამი (90+3, პენ)
გამოუყენებელი პენალტი: ტიურამი (61)
ნახევარფინალში აგრეთვე "სტრასბურგი", "მონაკო" და "ბორდო" გავიდნენ.
![ჩემპიონთა ლიგა. IV ტური: "ბარსელონა" შეუჩერებელია - იტალიური გუნდების წარმატებული სვლა გრძელდება [VIDEO]](/pictures/image7/9aabdb4edc99f3cf31c03002fb06545e.jpeg "ჩემპიონთა ლიგა. IV ტური: \"ბარსელონა\" შეუჩერებელია - იტალიური გუნდების წარმატებული სვლა გრძელდება [VIDEO]")
