ფრანგული სპორტული პრესის მიხედვით, ლეონარდო ჟარდიმი შესაძლოა, 2020 წლიდან "მონაკოს" მთავარი მწვრთნელი აღარ იყოს.
პორტუგალიელი სპეციალისტის გაწვრთნილები საფრანგეთის ლიგის თასის 1/8-ფინალში საკუთარ მოედანზე "ლილთან" 0:3 განადგურდნენ და ჟარდიმის წასვლის საკითხიც სწორედ ამის შემდეგ დადგა.
"მონაკო" 21 დეკემბერს უკვე ლიგა 1-ის ეგიდით კვლავ "ლილს" უმასპინძლებს და იმ შემთხვევაში, თუ მისი გუნდი ისევ დამარცხდება, პორტუგალიელს გაათავისუფლებენ.
აქვე გეტყვით, რომ ჟარდიმის შეცვლის ერთ-ერთი მთავარი კანდიდატი რუსი მწვრთნელი ლეონიდ სლუცკია, რომელიც რამდენიმე დღეა დაითხოვეს "ვიტესიდან".
