პსჟ-ის, მადრიდის "რეალისა" და ლონდონის "ჩელსის" ყოფილმა ფორვარდმა ნიკოლა ანელკამ Le Parisien-თან საუბარში კომენტარი კილიან მბაპესა და ლიონელ მესის შესახებ გააკეთა.
"კილიან მბაპე პსჟ-ის შეტევის ლიდერი უნდა იყოს, რადგან ის N1-ია! ზუსტად ასეთივე სტატუსი ჰქონდა მესის "ბარსელონაში", მაგრამ ახლა მბაპეს უნდა ემსახუროს. კილიანი 5 წელია გუნდშია და მესიმ ამას პატივი უნდა სცეს.
მბაპე დაუჯერებლად მაგარი ფეხბურთელია, მისი მსგავსი სისწრაფე ფეხბურთში არავის აქვს. პარიზში საუკეთესო გუნდის ყოლა თუ სურთ, მის შესანარჩუნებლად ყველაფერი უნდა გააკეთონ.
მაგრამ, ვფიქრობ, კილიანის თავში ყველაფერი გადაწყვეტილია. მას
რაღაც ახალი უნდა და ეს გასაგებია. ის "ოქროს ბურთზე" ოცნებობს, მაგრამ როგორ მიიღებს ამ ჯილდოს, როცა უეფას კოეფიციენტების მიხედვით ევროპის მე-6 ლიგაში თამაშობს?!
მბაპეს ბოლო 3 წელი ესპანეთში ან ინგლისში რომ ეთამაშა, "ოქროს ბურთი" უკვე მოგებული ექნებოდა".
ანელკას ლიონელ მესის ამჟამინდელ მდგომარეობაზეც ჰკითხეს.
"მესის იმედგაცრუების კარგად მესმის. როგორც წესი, "ოქროს ბურთის" 6-გზის მფლობელს 76-ე წუთზე არ ცვლიან, თან, როცა შენს გუნდს გოლი არ აქვს გატანილი. მსგავსი ნაბიჯები მის ტვინზე მოქმედებს.
ფორვარდს მწვრთნელის მხარდაჭერა სჭირდება, რათა თავდაჯერებული იყოს. ვთვლი, რომ მესი არასდროს დაივიწყებს, რაც პოჩეტინომ გააკეთა. ეს მის გონებაში ჩარჩება. ლეო გუნდის ვარსკვლავია და "პარკ დე პრენსზე" პირველ შეხვედრას ატარებდა. ასეთი მდგომარეობიდან გამოსვლა ადვილი არაა.
მესიმ "მეცთან" გამართული მომდევნო მატჩი გამოტოვა. ეს იყო პასუხი მის რეაქციაზე. მაგრამ მესის ასე ვერ მართავ. მწვრთნელს მკაცრი შეტყობინების გაგზავნა სურდა, რაც ზოგადად სწორია, თუმცა, კარგი რა! ეს ხომ მესია", - თქვა ანელკამ.
მომზადებულია Marca-ს მიხედვით
![დუბლი და საგოლე პასი სუარესს - ლიონელ მესი მაგარ ფორმაშია [VIDEO]](/pictures/image7/808ccc23d1940c39f813b1d809087f25.png "დუბლი და საგოლე პასი სუარესს - ლიონელ მესი მაგარ ფორმაშია [VIDEO]")
შენ თუ უფრო მეტი გაქვს გაკეთებული საკლუბო ან სანაკრებო დონეზე, ვიდრე ანეკლას, მაშინ თქვი ვინც ხარ და მე ქედს ვიხრი შენს წინაშე, თუ არა-და, არ გინდა-რა ასეთი კომენტარები...