ლიგა 1-ის ბოლო ტურში, სადაც ფრანგული "პარი სენ ჟერმენი" მოქმედ ჩემპიონ "ლილის" დაუპირისპირდა, მშვენიერი შეხვედრა ჩაატარა ლიონელ მესიმ. შეგახსენებთ, პსჟ-მა 5:1 მოიგო, "ალბისელესტეს" კაპიტანმა კი თავი 1 გოლითა და 1-იც საგოლე გადაცემით გამოიჩინა.
მოგეხსენებათ, პარიზელები ჩემპიონთა ლიგის პლეი-ოფის პირველ მატჩს 15 თებერვალს, მადრიდის "რეალის" წინააღმდეგ ჩაატარებენ.
"მესიმ ისე გაიბრწყინა, როგორც ამას კარიერის საუკეთესო სეზონში აკეთებდა." - წერს ფრანგული L'Equipe-ი "ბლანკოსთან" მატჩის წინ.
"სეზონის პირველი ნახევრის შემდეგ ლეოს სტატისტიკა მის მიერვე დაწესებულ სტანდარტებს არ შეესაბამებოდა, ეროვნულ ნაკრებში არჩასვლის გადაწყვეტილების გამო სამხრეთამერიკელი
მოედანზე ჩვეული სისწრაფით და შედეგით დაგვიბრუნდა.
შეიმოსა "მასტერის" ტანისამოსით და ყველაფერი გაგვახსენა, ჩვეული აჩქარებებით კი ნელ-ნელა დაგვანახა, რომ ლიგა 1-ში აკლიმატიზაცია გაიარა."
![Sportall.Ge](/pictures/artimages/original/870566c60b0ef57eac21d6fa6fdfc95e.jpg "ტაქტიკური ცვლილება, რის შემდეგაც "მძინარე დათვმა" გამოიღვიძა")
მესი მსოფლიოს საუკეთესო ფეხბურთელად დასახელდა
რა თქმა უნდა, ეს ფაქტი მხოლოდ L'Equipe-ს არ შეუმჩნევია, ფრანგული გუნდის მწვრთნელმა მაურისიო პოჩეტინომ თანამემამულეზე ისაუბრა და მხარიც დაუჭირა.
სამხრეთამერიკელ სპეციალისტს უჭირდა ისტორიაში ერთ-ერთი საუკეთესო ფეხბურთელის მოედანზე ათამაშება, თუმცა, როგორც ჩანს, ეს პრობლემა აღმოიფხვრა, დამუშავდა ახალი ტაქტიკა და "მძინარე დათვიც" გამოაღვიძეს.
"ეჭვი არ მეპარება, რომ ლეო მსოფლიოს საუკეთესო ფეხბურთელია. მისნაირ სპორტსმენებსაც კი სჭირდებათ დრო ადაპტაციისთვის. გარკვეული პერიოდია საჭირო, რათა ფიზიკური ფორმა აღიდგინო. შეგახსენებთ, მესი კონკრეტული დროით კოვიდ 19-ის გამო ვერ თამაშობდა. მნიშვნელოვანია, რომ თავი წარმოაჩინოს და საკუთარი შესაძლებლობები მსოფლიოს კიდევ ერთხელ დაანახოს".
ტაქტიკური სვლა, რის შემდეგაც მესი ამოქმედდა
ზოგადად ვიცით, რომ არგენტინელი კარიერის საუკეთესო წლებში მარჯვენა ფრთიდან უტევდა, თუმცა "ლილთან" მატჩში გამოჩნდა, რომ "ალბისელესტელი" 4-3-3 სქემის ცრუ ცენტრფორვარდად მოგვევლინა. პოჩეტინომ აქ სწორი გათვლა გააკეთა, რადგან ლეო კილიან მბაპეს პირდაპირ დაუკავშირდებოდა და ფლანგიდან-ფლანგზე თამაში არ მოუწევდა. დიდი ალბათობით, ეს ტაქტიკური მონახაზი შედეგს გამოიღებს.
რა თქმა უნდა, მადრიდის "რეალისთვისვე" უკეთესი იქნება, თუ ამ სქემას გაშიფრავენ მანამ, სანამ "პარკ დე პრენსის" მოედანზე სათამაშოდ გავლენ.
მომზადებულია Marca-ს მიხედვით
![მესის საგოლე პასი და ლაუტარო მარტინესის ულამაზესი გოლი პერუსთან [VIDEO]](/pictures/image7/25c06cac30defd4149f49eb371b8b6cb.jpg "მესის საგოლე პასი და ლაუტარო მარტინესის ულამაზესი გოლი პერუსთან [VIDEO]")
![ლობჟანიძის გუნდის უდიდესი სენსაცია - "ატლანტამ" ლიონელ მესის მაიამის "ინტერი" პლეი-ოფიდან გამოთიშა [VIDEO]](/pictures/image7/a581ca8bbae97f197cb41508a299498a.jpg "ლობჟანიძის გუნდის უდიდესი სენსაცია - \"ატლანტამ\" ლიონელ მესის მაიამის \"ინტერი\" პლეი-ოფიდან გამოთიშა [VIDEO]")
