გუშინ, 31 ივლისს, საფრანგეთის სუპერთასის ფინალურ გათამაშებაში, "პარი სენ ჟერმენი" "ნანტს" დაუპირისპირდა და 4:0 დაამარცხა.
პარიზელების მხრიდან ანგარიში ლიონელ მესიმ 22-ე წუთზე გახსნა. ნეიმარმა 45+5 წუთზე სხვაობა ორბურთიანი გახადა.
მეორე ტაიმის 57-ე წუთზე სერხიო რამოსმა "ნანტს" მესამე გოლი გაუტანა, ნეიმარმა კი 82-ე წუთზე ზუსტად შესრულებული პენალტით საბოლოო ანგარიში დააფიქსირა.
ამრიგად, პსჟ-მა ისტორიაში მეთერთმეტედ მოიგო სუპერთასი, კრისტოფ გალტიემ (მთავარმა მწვრთნელმა) კი პარიზელებთან ერთად პირველი ტიტული დაისაკუთრა.
რაც შეეხება ლიგა 1-ს, "პარი სენ ჟერმენი" პირველი ტურის მატჩს 6 აგვისტოს, "კლერმონის" წინააღმდეგ გამართავს.
![alt](/pictures/image50/74335b9ee0f48eef5f65caf39220ada4.jpg "პსჟ-მა "ნანტი" 4:0 დაამარცხა და საფრანგეთის სუპერთასი მეთერთმეტედ მოიგო [VIDEO]")
"მამარდა" და ხვიჩა ელიტაში - რას ვნახავთ აგვისტოში?
