The Times-ის ინფორმაციით, კილიან მბაპე პსჟ-სთან კონტრაქტს გაახანგრძლივებს. მოქმედი შრომითი ხელშეკრულება ფრანგს მომავალი წლის ზაფხულში ეწურება. მას დიდი ხნის განმავლობაში ჰქონდა მოლაპარაკებები გუნდის პრეზიდენტ ნასერ ელ-ხელაიფთან, რომელიც პარიზელთათვის პოზიტიურად დასრულდა.
მოგეხსენებათ, მბაპეს პსჟ-სთან კონფლიქტი სწორედ ახალ კონტრაქტთან და გუნდიდან უფასოდ შესაძლო წასვლაზე ჰქონდა, მაგრამ როგორც ჩანს, ყველაფერი მოგვარდა. მან ლიგა 1-ის გასულ ტურში "ტულუზთან" (1:1) შეხვედრაში ითამაშა და პენალტიდან გოლიც გაიტანა.
