ფეხბურთელმა კარიერის დროულად დასრულება უნდა იცოდეს, რათა დავრდომილად არ დაიმახსოვრონ. კარგი ფეხბურთელი იყო ჰოლანდიელი ვან დერ ვაარტი, ნაკრებშიც გახლდათ ნაბურთავები (109 მატჩში 25 გოლი გაიტანა), მადრიდის "რეალშიც" და "ტოტენჰემშიც", მერე "ჰამბურგში" არაუშავს 3 სეზონი ჩაატარა და "ბეტისში" გადასული არ ათამაშეს. თვითონ არ უნდოდა პრიმერაში დაბრუნება, მაგრამ დედა ყავს ესპანელი და ნათესავებმა დააძალეს. შარშან დანიის "მიდტიულანდში" გადაბარგდა და 15 მატჩში 2 გოლი გაიტანა.
უკმაყოფილოა კლუბის პრეზიდენტი ვინმე კლაუს შტაინმეინი, რომელიც ამბობს, მაგრად მოუკლო თამაშს, ძირითად შემადგენლობაში ადგილს ვერ იმსახურებს, ტრავმირებული იყო,
მოკლედ, ვიღაცების სალაპარაკოდ გაიხადა საქმე და თავის მართლება უწევს. მისი თქმით, ტრავმა მოირჩინა, თავდაუზოგავად ვარჯიშობს და მალე ფორმაში ჩადგება. უკანასკნელ 5 წელიწადში კი რაფაელის სატრანსფერო ფასი 25 მილიონი ევროდან 350 ათასამდე დაეცა.
ჰოდა, ამ 34 წელს მოყრილ ღვაწლმოსილ ფეხბურთელს ურჩევნია, სანამ იმ "მიდტიულანდიდან" არ დაითხოვენ, ბუცები ლურსმანზე ჩამოაკონწიალოს.
![გამორჩეული ოდიშიარია და "რიგასის" საპატიო ფრე "ანდერლეხტთან" [VIDEO]](/pictures/image7/3730e9823073b388ae01bf5f8e313092.jpg "გამორჩეული ოდიშიარია და \"რიგასის\" საპატიო ფრე \"ანდერლეხტთან\" [VIDEO]")
![ევროპა ლიგა. II ტური: ოდიშარიას ჩინებული გოლი გალათასარაისთან" - "რიგასმა" ისტორიულ ფრეს მიაღწია [VIDEO]](/pictures/image7/3d5ae1d730731365960368dfc3d2a4e3.jpg "ევროპა ლიგა. II ტური: ოდიშარიას ჩინებული გოლი გალათასარაისთან\" - \"რიგასმა\" ისტორიულ ფრეს მიაღწია [VIDEO]")
