შვედეთის მეექვსე დივიზიონის მატჩში კლუბ "ესკილსტუნას" ფორვარდმა სებასტიან ნიგარდმა 21 გოლი (!) გაიტანა "ესტერმალმას" კარში. მისმა გუნდმა შეხვედრა 28:3 მოიგო."მატჩის შემდეგ მითხრეს, რომ 21 გოლი გავიტანე. ეს დაუჯერებლად ჟღერდა, - განაცხადა Aftonbladet-თან კომენტარში ნიგარდმა. - მართლა არ ვიცოდი, თუ ამდენი გოლი გავიტანე. საოცარი გრძნობაა. როგორც ჩანს, ჩვენი ყველა შეტევა გოლით სრულდებოდა. მატჩის დროს მეტოქემ მეკარე შეცვალა, მაგრამ მას 14 გოლი გავუტანე.
თამაშის წინა დღეს წვეულებაზე ვიყავი. მწვრთნელს ვუთხარი, რომ ნაბახუსევი რომ არა, 30 გოლს გავიტანდი".
(იბეჭდება მცირე ცვლილებით)
ყოველდღიური
ეჭვი მაქვს, ამ ყველაფერს არც ჩვენი ბიჭები უნდა იკლებდნენ, მაგრამ ეტყობა, ნაბახუსევზე ვერ გამოდიან ყველა წესის დაცვით... კარგი იქნებოდა, ფიზ.მომზადების მწვრთნელს თუ ერთ სტაჟიან ლოთსაც დავუმატებდით.. დასაწყისისთვის ჩემი მეზობელი ლოვიკაც გამოდგება - დისერტაციებიც დაწერილი აქვს და ხარისხიც აქვს დაცული ყოფილი სსრკ-ს ყველა მეტ-ნაკლებად პრესტიჟულ ქალაქში ტაგანროგიდან დაწყებული და ულან-უდეთი დამთავრებული... თან ძვირსაც არ მოითხოვს, ხელფასს ყოველთვის ნახევარლიტრიანებით ზომავდა, ახლა პენსიას ზომავს "ჩეკუშკ"-ებში....