რუმინეთის თასის 1/16 ფინალში ბუქარესტის "სტიუამ" სტუმრად მესამე დივიზიონის კლუჟის "სენტანტეი" გაანადგურა (6:1). შეხვედრის მე-60 წუთზე მწვრთნელმა შეცვლაზე შეუშვა 14 წლის თავდამსხმელი იოანის სტოიკა, რომელმაც მსაჯის მიერ ძირითადი დროისათვის წამატებულ მეორე წუთზე გოლი გაიტანა. იოანისი არმიული გუნდის ყოფილი მარცხენა მცველის პომპილიუ სტოიკას შვილია და "სტიუას" ყველაზე ახალგაზრდა გოლის გამტანი ფეხბურთელი გახდა.
ამავე ტურნირზე სტოიკაზე თვეებით უმცროსმა ფეხბურთელმა ითამაშა - "ვიტორულის" მწვრთნელმა გეოტგე ხაჯიმ "შკოლარ რესიტესთან" მატჩში (4:2) ბოლო 24 წუთი აასპარეზა ნახევარმცველი რობერტო მელეელე.
![ბოლო შეტევა, ბოლო ჩაწოდება და... - წლის ფოტო რუმინეთიდან [VIDEO]](/pictures/image7/df4ade60fd52700d6b3f77e2b68818f4.jpg "ბოლო შეტევა, ბოლო ჩაწოდება და... - წლის ფოტო რუმინეთიდან [VIDEO]")
