"ბაიერნის" მწვრთნელმა იუპ ჰაინკესმა" ჩემპიონთა ლიგის პირველ 1/4-ფინალურ მატჩში "სევილიასთან" მოპოვებული გამარჯვება მოკლედ შეაფასა:"ბურთს ხშირად ვკარგავდით, ნახევარდაცვას უჭირდა, ამიტომ შექმნა მეტოქემ მომენტები. შესვენების შემდეგ თამაში გამოვასწორეთ და დამსახურებულად გავიმარჯვეთ.
ფსიქოლოგიურად ძალიან მნიშვნელოვანი იყო ანგარიშის სწრაფად გათანაბრება. გაგვიმართლა კიდეც. თუ ჩემპიონთა ლიგის მოგება გვინდა, უნდა მოვუმატოთ".
ჰაინკესი პირველი მწვრთნელია, რომლის გუნდმა ჩემპიონთა ლიგაზე ზედიზედ 12 შეხვედრა მოიგო.
