ლოპეტეგიმ პირველი გამოცდა ვერ ჩააბარა - "ატლეტიკომ" უეფას სუპერთასზე "რეალი" დამატებით დროში დაამარცხა [VIDEO]

AutoSharing Option
AUTO PLAY
ევროპის სუპერთასზე "ატლეტიკომ" დამატებით დროში "რეალს" 4:2 სძლია.

საინტერესო იყო სეზონის პირველ ოფიციალურ მატჩში როგორ წარმოაჩენდა თავს თავდამსხმელ რონალდოს გარეშე დარჩენილი "რეალი", რომელსაც ახალი მწვრთნელი ხულენ ლოპეტეგი ახალ სტილში ათამაშებს. ვერ წარმოაჩინა!

ანგარიში 49-ე წამზე "როხიბლანკოს" ფორვარდმა დიეგო კოშტამ გახსნა. ეს სუპერთასზე გატანილი ყველაზე სწრაფი გოლია. უნდა აღინიშნოს, რომ მეკარე ნავასს ბურთის მოგერიება მართებდა.

27-ე წუთზე ბეილის საჯარიმოში ჩაწოდებულ ბურთზე ყველას ბენზემამ დაასწრო და საპასუხო გოლი გაიტანა.

62-ე წუთზე საჯარიმოში ბურთი ხელზე ხუანფრანს მოხვდა, მსაჯმა თერმეტმეტრიანი დანიშნა, რომელიც სერხიო რამოსმა
გამოიყენა. რამოსი "ბლანკოსის" პირველი ფეხბურთელია, რომელმაც სუპერთასის ორ შეხვედრაში გაიტანა გოლი. დიეგო კოშტამ კი კამათისთვის ყვითელი ბარათი მიიღო.

დიეგო არ დაცხრა, 79-ე წუთზე დუბლი შეასრულა და დამატებითი დრო დაინიშნა.

ოვერტაიმში კი ჯერ  საულმა დალაშქრა ნავასის კარი, შემდეგ შეცვლაზე შესულმა ვიტოლომ და დიეგო სიმეონეს გუნდმა გაიმარჯვა.

"ატლეტიკომ" მესამედ მოიგო უეფას სუპერთასი.

ტალინი. "ა. ლე კოქ არენა".
რეალი - ატლეტიკო 2:4
გოლები: დიეგო კოშტა (1), 1:1 ბენზემა (27), 2:1 სერხიო რამოსი (63, პენ), 2:2 დიეგო კოშტა (79), 2:3 საული (99), 2:4 ვიტოლო (104)

რეალი: ნავასი, სერხიო რამოსი, მარსელო, კარვახალი, ვარანი, კროოსი (მაიორალი 102), კაზემირო (სებალიოსი 76), ისკო (ვასკესი 83), ასენსიო (მოდრიჩი 57), ბენზემა, ბეილი

ატლეტიკო: ობლაკი, ხუანფრანი, გოდინი, სავიჩი, ლ. ერნანდესი, საული, კოკე, ლემარი (პარტი 90+1), რ. ერნანდესი (ვიტოლო 71), დიეგო კოშტა (ხიმენესი 109), გრიზმანი (კორეა 57)

altხულენ ლოპეტეგი: "ატლეტიკო" შეცდომების გამოყენების ოსტატია

altდიეგო კოშტა: ძალიან გვინდოდა "რეალის" დამარცხება


altmarca: ეს ის "რეალი" აღარაა - პერესმა სატრანსფერო ფანჯრის დახურვამდე ფეხბურთელების დამატება უნდა მოახერხოს

მკითხველის კომენტარები / 3 /
ბოლო 4-5 წელია რონალდო არის თავისი განვითარების უმაღლეს მწვერვალზე და მან ამ ხნის განმავლობაში ყველაფერი მოიგო,რისი მოგებაც შეიძლებოდა,იმის მტკიცება,რომ მესი უფრო მაგარია რონალდოზე დღესდღეობით არის ფეხბურთის არცოდნა და მარაზმი,დღეს,ე.ი 4-5 წლის მანძილზე რონალდო მესიზე ძლიერია და ეს აქსიომაა,რონალდო ამასთან ერთად ჟილკიანი კაცია და მან მიიღო გამოწვევა,რომ უნდა მესამე გუნდშიაც მოიგოს ჩემპიონთა ლიგა,ეს ძალიან სარისკო საქმეა,მაგრამ მას აქვს ამის სურვილი,პირდაპირ გეტყვით,რომ თუ ეს მან მოახერხა,მაშინ არ ვიცი,სამუდამოდ მიუღწეველი იქნება ის მეტოქეებისთვის,რაც შეეხება რეალს,გუშინ ნათლად გამოჩნდა თუ რამხელა ძალა ყოფილა რონალდო რეალისთვის და გარწმუნებთ,რომ ეს მხოლოდ დასაწყისია.ახლა ბეილი,ასენსიო,ვასკესი და სხვები,ამათ რაც არუნდა დიდი დრო მიეცეთ,მაინც სამივეში ერთი რონალდო ვერ გამოვა,ესენი არიან განუვითარებელი ფეხბურთელები,ანუ ისინი თავისი განვითარების პიკში არიან და მეტს მათგან ნურავინ ელის.
roma
13:32 16-08-2018
2
რეალი მართლაც იყო რონალდო მაგრამ ბარსა მარტო მესი არასდროს ყოფილა და ეს ბარსას ფეხბურთელებმა სანაკრებო დონეზე დაამტკიცეს.
zaza
11:38 16-08-2018
7

სიახლეები პოპულარული