ყოფილმა ფეხბურთელმა ვესლი სნეიდერმა ადგილობრივ გამოცემა Voetbalzone-სთან ინტერვიუში განაცხადა, რომ მესისა და რონალდოს დონეზე თამაში, "ოქროს ბურთის" მოგებაც შეეძლო, მაგრამ ამისი სურვილი არ ჰქონდა.
"დარწმუნებული ვარ, 100% რომ ჩამედო მესისა და კრიშტიანოს დონეზე ასასვლელად, ამას მოვახერხებდი. თუმცა მე არ მინდოდა "ოქროს ბურთის" მიღება 2010 წელს და არც მწყდება გული ამაზე. საქმე იმაში კი არაა, რომ არ შემეძლო, უბრალოდ, არ მინდოდა.
მე საკუთარი კარიერით სიამოვნებას ვიღებდი. მოვიგე ყველა პრიზი, რისი მოგებაც შესაძლებელი იყო. ამიტომ, 1 წამითაც არაფერს ვნანობ.
მე გუნდური მოთამაშე
ვარ და წარმატებების მიღწევა თანაგუნდელთან ერთად მსიამოვნებს. 10 წელი გავიდა და ხალხი ისევ ამბობს, რომ 2010 წელს "ოქროს ბურთი" უნდა მომეგო. თუმცა ჩემთვის ეს პრობლემა არაა. მე ვამბობ: "კარგი, რა, ხალხო, მე ხომ ჩემპიონთა ლიგა მოვიგე. ეს ჩემთვის ყველა ინდივიდუალურ პრიზზე უფრო მნიშვნელოვანია", - თქვა ჰოლანდიელმა.
როგორ გამოიყურება ვესლი სნეიდერი, რომელმაც კარიერა 2 კვირის წინ დაასრულა [VIDEO]
![მესის საგოლე პასი და ლაუტარო მარტინესის ულამაზესი გოლი პერუსთან [VIDEO]](/pictures/image7/25c06cac30defd4149f49eb371b8b6cb.jpg "მესის საგოლე პასი და ლაუტარო მარტინესის ულამაზესი გოლი პერუსთან [VIDEO]")
![დაუჯერებელია - 39 წლის რონალდოს მაკრატელა პოლონეთის ნაკრებთან [VIDEO]](/pictures/image7/b2cfc17d1326622d84ca254c293266ad.jpg "დაუჯერებელია - 39 წლის რონალდოს მაკრატელა პოლონეთის ნაკრებთან [VIDEO]")
