"ლიონის ოლიმპიკისა" და ნიდერლანდების ნაკრების ერთ-ერთმა ლიდერმა მემფის დეპაიმ გუშინ, 15 დეკემბერს, ლიგა 1-ის ეგიდით ჩატარებულ მატჩში "რენის" წინააღმდეგ ჯვარედინი მყესები გაიწყვიტა და ევროპის ჩემპიონატის გამოტოვება მოუწევს.
ძალიან დასანანი ამბავია, რადგან დეპაი კარიერაში საუკეთესო სეზონს ატარებდა: ლიგა 1-ში 12 ტურის შემდეგ 9 გოლი ჰქონდა გატანილი, ხოლო ეროვნული გუნდის მაისურით საკვალიფიკაციო ეტაპზე 6 თამაშში 6 გოლი შეაგდო. გარდა ამისა, "ლიონის" მთავარმა მწვრთნელმა ის გუნდის კაპიტნად დაასახელა.
დეპაის მინიმუმ 6 თვის გამოტოვება მოუწევს, რადგან ექიმების რეკომენდაცია ასეთია. უფრო ადრე დაბრუნება კი, უდიდესი
ალბათობით, ტრავმის რეციდივის "გარანტია".
აღსანიშნავია, რომ "რენთან" მატჩში ჯვარედინი მყესები "ლიონის" კიდევ ერთმა ფეხბურთელმა გაიწყვიტა - 21 წლის რეინე ადელაიდემ, რომელიც საფრანგეთის 21-წლამდელთა ნაკრების წევრია და საქართველოსთან მატჩში დუბლი შეასრულა. ადელაიდესაც მინიმუმ 6 თვით უქმობა მოუწევს.
ჩხუბამდე ცოტა დააკლდა - მემფის დეპაი "ლიონის" ულტრამემარჯვენე ფანს დაუპირისპირდა [VIDEO]
მემფის დეპაი: მინდა "ბარსელონაში", "რეალში", "ჩელსიში", "სიტიში", პსჟ-ში ან "ბაიერნში" ვითამაშო
![მიქაუტაძემ მაგარი გაიტანა - მისი გოლი (გოლები) მარტში ნაკრებში გვჭირდება [VIDEO]](/pictures/image7/a00f6033df51ee28eaf89eba686f5083.jpg "მიქაუტაძემ მაგარი გაიტანა - მისი გოლი (გოლები) მარტში ნაკრებში გვჭირდება [VIDEO]")
![მცველები გააბითურა - აი, ასეთი გოლი გაუტანა მიქაუტაძემ "ლიონს" [VIDEO]](/pictures/image7/19e9af4f19fb8e265b6c4269c3aed57c.png "მცველები გააბითურა - აი, ასეთი გოლი გაუტანა მიქაუტაძემ \"ლიონს\" [VIDEO]")
