ქალაქ მალმიოში, ამავე სახელობის კლუბის სტადიონთან მდგარი ზლატან იბრაჰიმოვიჩის ძეგლი საბოლოოდ დაეცა და დღეს, 6 იანვარს, ქანდაკება პარკის ტერიტორიიდან გაიტანეს.
ძველი სკულპტურიდან ადგილზე მხოლოდ ფეხის ტერფები დარჩა და კადრი, რომელშიც იქმნება ილუზია, რომ სატვირთოზე დასადებად გამზადებული ზლატანი განწირულად ითხოვს შველას.
ქანდაკება ვანდალების თავდასხმებს ნოემბრიდან უძლებდა. ჯერ იყო და, უნიტაზის სახურავი ჩამოჰკიდეს ხელზე; შემდეგ სხვადასხვა ნივთი თავზე ჩამოაცვეს, შეღებეს. 22 დეკემბერს ცხვირი მოაჭრეს, ხოლო 5 იანვარს კი საკონტროლო გასროლით ჩამოაგდეს.
ამ ყველაფრის მიზეზი მთავარი მოწინააღმდეგე კლუბის აქციების შესყიდვა გახდა, რასაც იქნებ
ნანობს კიდეც "მილანში" ახლად გადაბარგებული შვედი ფორვარდი.
იბრაჰიმოვიჩი: გასაოცარი ის არის, რომ 38 წლის ასაკში...
ზლატან იბრაჰიმოვიჩი: ახლა ჩემი მიზანი "მილანში" სიტუაციის გამოსწორებაა
