სერია A-ს 21-ე ტურში "ტორინომ" საკუთარ მოედანზე "ატალანტას" უმასპინძლა და სამარცხვინო ანგარიშით დამარცხდა - 0:7.
შეხვედრას, ფაქტობრივად, არაფერი აკლდა. იოსიპ ილიჩიჩმა ჰეთ-თრიკი შეასრულა და მიმდინარე სეზონში უკვე 13 გოლი აქვს გატანილი. ერთ-ერთი გოლი, კი სლოვენიელმა მოედნის ცენტრიდან გაიტანა - კარიდან გამოსულ სირიგუს თავზე გადაუგდო ბურთი.
შეხვედრაში "ტორინოს" კარის მიმართულებით 2 პენალტი დაინიშნა- ჯერ დუვან ზაპატამ გაიტანა, შემდეგ ლუის მურიელმა. ასევე, მატჩის მთავარმა არბიტრმა "ტორინოს" 2 ფეხბურთელს უჩვენა წითელი ბარათი - 76-ე წუთზე არმანდი იცო გააძევა, 89-ზე კი სერბი საშა ლუკიჩი.
"ატალანტამ" ისტორიაში პირველად სერია A-ში 7 ბურთიანი სხვაობით მოიგო. აღსანიშნავია, რომ გასპერინის მიერ გაწვრთნილ გუნდს მიმდიანრე სეზონში ევროპის ტოპ 5 ჩემპიონატის გუნდებს შორის "მანჩესტერ სიტის" შემდეგ ყველაზე მეტი გოლი აქვს გატანილი. "ატალანტას" ფეხბურთელებმა იტალიის ჩემპიონატში 57 გოლი გაიტანეს.
ტურინი, "სტადიო ოლიმპიკო"
ტორინო - ატალანტა 0:7
გოლები: 0:1 ილიჩიჩი (17), 0:2 გოსენსი (29), 0:3 ზაპატყა (45+2), 0:4 ილიჩიჩი (53), 0:5 ილიჩიჩი (54), 0:6 მურიელი (86), 0:7 მურიელი (88)
![ჩემპიონთა ლიგა. IV ტური: "ბარსელონა" შეუჩერებელია - იტალიური გუნდების წარმატებული სვლა გრძელდება [VIDEO]](/pictures/image7/9aabdb4edc99f3cf31c03002fb06545e.jpeg "ჩემპიონთა ლიგა. IV ტური: \"ბარსელონა\" შეუჩერებელია - იტალიური გუნდების წარმატებული სვლა გრძელდება [VIDEO]")
![უჩვეულოდ უგერგილო "ნაპოლი" სახლში "ატალანტასთან" განადგურდა [VIDEO]](/pictures/image7/40051a6c801e297acf1dca2dd797b179.jpg "უჩვეულოდ უგერგილო \"ნაპოლი\" სახლში \"ატალანტასთან\" განადგურდა [VIDEO]")
![პირველი ტაიმის შემდეგ "ნაპოლი" "ატალანტასთან" 0:2 მარცხდება [VIDEO]](/pictures/image7/c1534eefa0c6dc1464b9653a1c79145d.jpg "პირველი ტაიმის შემდეგ \"ნაპოლი\" \"ატალანტასთან\" 0:2 მარცხდება [VIDEO]")
