დნეპროპეტროვსკის "დნიპროს" აღზრდილმა ფორვარდმა ევგენი ბოხაშვილმა football24.ua-სთან საუბარში გაიხსენა ისტორია, რომელიც ლატვიურ "რიგაში" ვერგანხორციელებულ ტრანსფერს ეხებოდა და ასევე, საქართველოში გატარებულ პერიოდზეც ისაუბრა.
"რუხში" არც ისე კარგ პერიოდში გადავედი და ამიტომ, ლატვიაში წასვლა გადავწყვიტე, თუმცა იქ ძალიან არ გამიმართლა.
საფეხბურთო კლუბ "რიგაში" გავიარე სინჯები და მითხრეს, რომ გუნდში ამიყვანდნენ, კონტრაქტს გამიფორმებდნენ, თუმცა ისეთ რამეს შევეჯახე, რაც ფეხბურთელზე დამოკიდებული არაა.
როგორც აღმოჩნდა, კლუბის პრეზიდენტი არც ისე კეთილგანწყობილია უკრაინელების მიმართ, ის კი ფიქრობდა, რომ ქართველი ვიყავი, გვარად ხომ ბოხაშვილი ვარ.
სინჯების გავლის შემდეგ
ხელშეკრულების გაფორმებას ველოდი, როცა აგენტმა დამირეკა და მითხრა, რომ კლუბმა უკან დაიხია. ვერ ვხვდებოდი, რატომ მოხდა ასე. ამხანაგურ შეხვედრებში კარგად ვითამაშე, მწვრთნელმაც მითხრა, რომ მისი მოთხოვნები დავაკმაყოფილე.
შეკრება დუბაიში უნდა გაგვევლო და პასპორტიც კი გამომართვეს ვიზის გასაკეთებლად, თუმცა ბოლო მომენტში "გადამაგდეს". ამ ყველაფერმა ძალიან იმოქმედა ჩემზე. იქ ტრავმის მერე წავედი და ასეთი ამბავი შემემთხვა.
დიახ, გარკვეული დრო ქუთაისის "ტორპედოშიც" გავატარე, თუმცა უნდა გითხრათ, რომ საქართველოთი იმედგაცრუებული დავრჩი, მიუხედავად იმისა, რომ წარმოშობით მეც ქართველი ვარ. დიახ, ეს ჩემი სამშობლოა, თუმცა იქ ფეხბურთის სათამაშოდ წასვლა მთლად კარგი ვარიანტი არაა.
ქვეყანა ულამაზესია და მეგობრული ხალხი ცხოვრობს, უგემრიელესი საჭმელებია. იქ ყველა მიყვარს და პატივს ვცემ, თუმცა ფეხბურთი საქართველოში ნამდვილად ვერ ვითარდება.
საქართველოში თუ გადაწყვეტ სათამაშოდ წასვლას, ეს მხოლოდ თბილისის "დინამოში" შეიძლება, მათ ძალიან კარგი საკუთარი ბაზა აქვთ. დანარჩენ გუნდებზე კი რა გითხრათ... მაგალითად, "საბურთალო" ჩემპიონი იყო და ვარჯიშები ხან ერთ, ხან მეორე ადგილას ჰქონდათ", - განაცხადა ბოხაშვილმა.
"რიგას" მფლობელი რუსი ბიზნესმენი სერგეი ლომაკინი გახლავთ, ხოლო ევგენი ბოხაშვილი ამჟამად ინდონეზიის ჩემპიონატში გამოდის და არც ისე ცუდად. ის უმაღლესი ლიგის "პსს სლემანის" წევრია და წინა სეზონში 16 გოლი გაიტანა.
![alt](/pictures/image50/38f5f5396cdf3dee4138b755f1d4c5af.jpg "როცა გაიგო ქართველი არ ვიყავი, რუსმა ბიზნესმენმა "გადამაგდო" - უკრაინის მოქალაქე ბოხაშვილი")
ილია სპასოევიჩი გახსოვთ? აზიური ლიგის ერთ-ერთ ყველაზე ტიტულოვან ფეხბურთელად დაასახელეს
