"ახმატის" საპატიო პრეზიდენტი და ჩეჩნეთის პრეზიდენტი რამზან კადიროვი, რომელიც კორონავირუსით დაინფიცირდა, მძიმე მდგომარეობაში იმყოფება, მას ფილტვები სერიოზულად აქვს პარალიზებული, - ამ ინფორმაციას ტელეგრამ-არხი Baza ავრცელებს.
Baza საკუთარ წყაროზე დაყრდნობით იტყობინება, რომ კადიროვი 2-3 კვირის წინ დაინფიცირდა, როდესაც საავადმყოფოში ჩეჩნეთის ურუს-მარტანოვსკის რაიონის ხელმძღვანელი ვალიდ აბდურეშიდოვი მოინახულა.
აბდურეშიდოვი კორონავირუსით იყო დაავადებული, კადიროვმა კი მისი მხარდაჭერა გადაწყვიტა. ის "წითელ ზონაში" ხალათითა და მსუბუქი პირბადით იმყოფებოდა (იხ. ფოტო) და აბდურეშიდოვს გადაეხვია.
ერთი კვირის შემდეგ კადიროვის ჯანმრთელობის მდგომარეობა მკვეთრად გაუარესდა, მაგრამ ეს მწვავე რესპირატორული ვირუსული
ინფექცია ეგონა. მან ექიმებს მაშინვე არ მიმართა და დრო დაკარგა.
გუშინ Baza-მ გაავრცელა ინფორმაცია, რომ მძიმე მდგომარეობაში მყოფი კადიროვი 20 მაისს მოსკოვში გადააფრინეს და ერთ-ერთ კლინიკაში დააწვინეს.
თუმცა, ჩეჩნეთის ხელისუფლება და კლუბი კადიროვის მდგომარეობას მალავს. "ახმატის" გენერალურმა დირექტორმა ახმედ აიდამიროვმა განაცხადა, რომ კადიროვი ჯანმრთელია და ჩეჩნეთში იმყოფება.
უმძიმეს მდგომარეობაში მყოფი რამზან კადიროვი მოსკოვში გადაიყვანეს
![კადიროვის პოსტზე დარჩენას კრივის მატჩი გადაწყვეტს? [VIDEO]](/pictures/image7/45298d64ae2a3e4da95bc1945ca82fa9.jpg "კადიროვის პოსტზე დარჩენას კრივის მატჩი გადაწყვეტს? [VIDEO]")
![კადიროვმა ხაბიბს UFC-ის პროექტი უწოდა, მაყურებელს კი განადგურებით დაემუქრა [VIDEO]](/pictures/image7/94556da49995b7a902c0820fc02dc3a6.jpg "კადიროვმა ხაბიბს UFC-ის პროექტი უწოდა, მაყურებელს კი განადგურებით დაემუქრა [VIDEO]")
