საბჭოთა პარადოქსით - "ოქროს ბურთის" 4 ყველაზე უცნაური მფლობელი

AutoSharing Option
1956 წელს ცნობილმა ფრანგულმა ჟურნალმა "ფრანს ფუტბოლმა" დააწესა პრიზი, რომელიც ყოველწლიურად გადაეცემოდა ევროპის საუკეთესო ფეხბურთელს. ძნელია თქმა, რომ გამარჯვებულების უმრავლესობა ამ წოდებას არ იმსახურებდა, თუმცა "ოქროს" ბურთის" მფლობელთა შორის ისეთებიც იყვნენ, რომლებიც არც ისე დიდი ფეხბურთელები იყვნენ.

ომარ სივორი - 1961 წელი

Sportall.Ge

არგენტინული წარმოშობის იტალიელმა ორივე ქვეყნის ნაკრებში თამაში მოასწრო (მაშინ ეს დაშვებული იყო). ომარს ეკუთვნის რეკორდი, რომლის დამხობაც ჯერ ვერავინ მოახერხა - 1960 წელს, ერთ-ერთ შეხვედრაში 6 გოლი გაიტანა. თუმცა, აღსანიშნავია, რომ "ინტერი", რომლის წინააღმდეგაც სივორიმ თავი გამოიჩინა, ფედერაციასთან
არსებული კონფლიქტის გამო ახალგაზრდული გუნდით თამაშობდა.

მომდევნო სეზონში, როცა "ოქროს ბურთი" გადასცეს, ფეხბურთელს მართლაც ძალიან ბევრი გაჰქონდა. თუმცა მისი "იუვენტუსი" ჩემპიონთა თასის პირველივე რაუნდში გამოაგდო ბულგარულმა ცსკა-მ და საერთოდაც, სივორის მიღწევათა აბსოლუტური უმრავლესობა ადგილობრივ დონეზე ჰქონდა და არა ევროპის მასშტაბით. თან, იმ წელს "ოქროს ბურთს" საკმაოდ ბევრი პრეტენდენტი ჰყავდა - ფერენც პუშკაში, შანდორ კოშიჩი, ლადისლაო კუბალა, ლუის სუარესი, ჟოზე აგუაში, მარიუ კოლუნა (სხვათა შორის, ამ ორმა უკანასკნელმა იმავე წელს "ბენფიკას" ჩემპიონთა თასი მოაგებინა).


ალან სიმონსენი - 1977 წელი

Sportall.Ge

დანიელი ფორვარდის კარიერაში საუკეთესო პერიოდი 1970-იანი წლების მეორე ნახევარი გახლდათ, როცა ის მიუნხენგლადბახის "ბორუსიაში" თამაშობდა. ეჭვგარეშეა, სიმონსენი გუნდის ერთ-ერთი ცენტრალური ფიგურა იყო, როცა მისმა კლუბმა უეფას თასი ზედიზედ ორჯერ მოიგო. კიდევ ერთი ფაქტი, დანიელ ფორვარდს უნიკალური მიღწევა აქვს ნაჩვენები - ალანმა ყველა ევროპული შეჯიბრების ფინალში გაიტანა გოლი.

ერთ-ერთი მათგანი კი სწორედ 1977 წელს იყო, როცა მისი "ბორუსია" ჩემპიონთა თასის ფინალში გავიდა და იქ "ლივერპულთან" დამარცხდა - 1:3. სიმონსენი ძალიან კარგი ფეხბურთელი იყო, თუმცა იმ წელს "ოქროს ბურთს" კევინ კიგანი (რომელიც მომდევნო 2 წლის განმავლობაში დაასახელეს საუკეთესოდ) უფრო იმსახურებდა, ვისი წყალობითაც "ლივერპულმა" მთავარი ევროპული თასი მოიგო.


იგორ ბელანოვი - 1986 წელი

Sportall.Ge

ბელანოვი საბჭოთა კავშირის ისტორიაში იმ 3 ფეხბურთელიდან (ლევ იაშინი და ოლეგ ბლოხინი) ერთ-ერთია, რომელსაც ყველაზე პრესტიჟული ინდივიდუალური საფეხბურთო ჯილდო მოუგია. შეგვიძლია ვივარაუდოთ, რომ ევროპული საინფორმაციო საშუალებების თანამშრომლები კიევის "დინამოს" ფორვარდის იმავე წელს მსოფლიო თასზე გამოსვლამ გააკვირვა, როცა 1/8-ფინალში ჰეთ-თრიკი შეასრულა ბელგიის ნაკრებთან და შეჯიბრებაზე რამდენიმე საგოლე გადაცემაც გააკეთა.

მიუხედავად ამისა, სსრკ-ის ნაკრები ჩემპიონატის 1/4-ფინალში მაინც ვერ გავიდა. პარადოქსი კი ის გახლდათ, რომ სამშობლოში წლის საუკეთესო ფეხბურთელი არა ბელანოვი, არამედ ალეკსანდ ზავაროვი გახდა.

ამასთანავე, იმავე წელს რამდენიმე ფეხბურთელი იყო, რომელიც უფრო მეტად იმსახურებდა "ოქროს ბურთს" - გარი ლინეკერი, ჰერალდ შუმახერი და ბოლოს და ბოლოს, მსოფლიოს ჩემპიონი დიეგო მარადონა, რომელიც იტალიური "ნაპოლის" რიგებში თამაშობდა.


ჟორჟ ვეა - 1995 წელი

Sportall.Ge

დასაწყისშივე უნდა აღვნიშნოთ, რომ 1986 წელს დიეგო მარადონა "ოქროს ბურთს" მაინც ვერ მოიგებდა, რადგან იმ პერიოდისთვის ეს პრიზი მხოლოდ ევროპული ქვეყნის მოქალაქეებს შორის თამაშდებოდა. ეს წესი 1995 წელს შეიცვალა და "ოქროს ბურთი" მაშინვე გადასცეს აფრიკის კონტინენტის წარმომადგენელს (აფრიკელებიდან მას შემდეგ არც არავის მიუღია ეს პრიზი), ლიბერიელ ფორვარდ ჟორჟ ვეას.

ლიბერიის ამჟამინდელი პრეზიდენტი (2018 წელს აირჩიეს) მაშინ პსჟ-დან "მილანში" გადავიდა და იმ სეზონში აფრიკის, ევროპისა და მსოფლიოს საუკეთესო ფეხბურთელად დაასახელეს. ცხადია, ამ ყველაფერზე ჩემპიონთა ლიგის ბომბარდირობამ იმოქმედა, არადა, პსჟ შეჯიბრების ნახევარფინალში სწორედ "მილანთან" დამარცხდა. ამის ფონზე კი, ამსტერდამის "აიაქსის" რიგებში, რომელმაც ჩემპიონთა ლიგა მოიგო, ისეთი ფეხბურთელები იყვნენ, როგორებიც პატრიკ კლუივერტი, მარკ ოვერმარსი, იარი ლიტმანენი, ძმები დე ბურები იყვნენ.

მომზადებულია METRO-ს მიხედვით

მკითხველის კომენტარები / 30 /
ვერც მე ვერ მივხვდი ჟორჟ ვეა რა შუაში იყო აქ,,,/
Vasili
13 ივნისი 2020 09:41
2
სტატიის ავტორს წესით უნდა მოეხსენებოდეს რომ 1986 წელს არაევროპელი ფეხბურთელები არ მონაწილეობდნენ ოქროს ბურთის დაჯილდოებაში და მარადონა ვერ მოიგებდა ვერანაირად.ელემენტარულია
sony
13 ივნისი 2020 05:53
0
მოდრიჩიც წამატეთ სიას ბარემ:)

უეჭველი...
ASSASINI
13 ივნისი 2020 00:14
3
მოდრიჩიც წამატეთ სიას ბარემ:)
გოგა
12 ივნისი 2020 22:11
3
Mesim im 2010 cels umagresi sezoni chaatara klubshi tumca oqros burti iniestas ekutvnoda.
Milani
12 ივნისი 2020 21:10
1
კლინსმანი? იმ წელს აიაქსმა 5 2 გადაუარა როგორც მახსოვს ბაიერნს 1/4 ფინალში, ვეას კონკურენტი იმ წელს უფრო ლიტმანენი იყო
ზორბეგი
12 ივნისი 2020 20:25
3
აიაქსმა რომ ბაიერნს მოუგო, ეგ არ ნიშნავს რომ ლიტმანენს უკეთესი სეზონი ჰქონდა. კლინსმანი ტოტენჰემშიც საუკეთესო იყო, ბაიერნშიც და ნაკრებშიც
: )))))))
13 ივნისი 2020 02:51
1
2010 წელს მესი რატომ გახდა საუკეთესო ფეხბურთელი ეგეც ჩაგემატებინათ? ინიესტამ გუნდი მსოფლიო ჩემპიონი გახადა და რა
Musenbezi
12 ივნისი 2020 18:31
4
საქმე ისაა, რომ აღნიშნულ პერიოდში ოქროს ბურთს გადასცემდნენ სეზონში საუკეთესო ფეხბურთელს და არა როგორც ახლა, ზოგადად საუკეთესოს. სწორედ ასეთ მიდგომას, რონალდო - მესის დაპირისპირებას, შეეწირა რობენის ბრწინვალე სეზონი... სიმონსენის თამაში არ მახსოვს, რაც შეეხება ბელანოვს გეტყვით, რომ იმ წელს მართლაც "იფრინა" და რომ არა მისი გაფუჭებული პენალტი ჰოლანდიელებთან, ევროპის ჩემპიონატის ფინალში, გაცილებით დიდ სახელს დატოვებდა. ვეას რაც შეეხება, კაცი ისეთ დონეზე თამაშობდა მის კონკურენტად კლუვერტის დასახელება გასაგებია, მაგრამ დე ბურები, ოვერმარსი და ლიტმანენი?
გოგა
12 ივნისი 2020 17:30
1
კი არ იფრინა, ირბინა. მეტი მაგისი არავის არაფერი უნახავს.
kaira
13 ივნისი 2020 20:12
0
იმ წელს, როცა ვეას მისცეს ოქროს ბურთი, კლინსმანი მგონი საუკეთესო სეზონს ატარებდა, მაგრამ ფერადკანიანობის გამო უპირატესობა ვეას მიანიჭეს
: )))))))
12 ივნისი 2020 17:02
3
ვეამ დაიმსახურა...კლუივერტი საერთოდ სათადარიგო ფეხბურყელი იყო მაგ წელს აიაქსში
L.J.
12 ივნისი 2020 16:40
1

სიახლეები პოპულარული