ბელგიის მეორე ლიგის 21-ე ტურში, "მოლენბეკთან" მოგებულ გასვლით მატჩში (4:2), "სერენის" 20 წლის თავდამსხმელმა გიორგი მიქაუტაძემ გოლი გაიტანა და საგოლე გადაცემა გააკეთა, თუმცა შეეძლო დუბლი შეესრულებინა, მაგრამ ეს შეგნებულად არ გააკეთა. არადა, მეორე გოლის გატანის შემთხვევაში ჩემპიონატის საუკეთესო ბომბარდირი გახდებოდა.
დავაკონკრეტოთ: მიქაუტაძემ 54-ე წუთზე, როდესაც ანგარიში 2:2 იყო, პასი გამბიელ ნახევარმცველ აბდულა ჯელოუს გაუკეთა. მისი დარტყმული ბურთი კარში შედიოდა, თავად გიორგი კარის წინ იდგა, უბრალოდ ბურთისთვის ფეხი უნდა მიერტყა და გოლი მას ჩაეთვლებოდა, თუმცა არ იკადრა.
მიქაუტაძემ ჩემპიონატის 18 მატჩში 18 გოლი გაიტანა და დანტე ვანზეირთან (უნიონი) ერთად ბომბარდირია.
მიქაუტაძე ისევ შეუჩერებელი გახდა - გოლი და საგოლე პასი "მოლენბეკთან" [VIDEO]
![მიქაუტაძეს ნავასმა არ გაატანინა - "მეცი" პსჟ-სთან დამარცხდა, მაგრამ ლიგა 1-ში დასარჩენად იბრძოლებს [VIDEO]](/pictures/image7/8d159bc6d23b884e1d3847c56a04ab36.jpg "მიქაუტაძეს ნავასმა არ გაატანინა - \"მეცი\" პსჟ-სთან დამარცხდა, მაგრამ ლიგა 1-ში დასარჩენად იბრძოლებს [VIDEO]")
