ბავშვის ოცნებით ვცხოვრობდი - რონალდინიოს გამოსამშვიდობებელი სიტყვა

AutoSharing Option
დღეს, 21 მარტს, ფეხბურთის ბრაზილიელი ჯადოქარი რონალდინიოს დაბადების დღეა. რონი ფეხბურთიდან 2018 წლის იანვარში წავიდა, წასვლამდე კი ემოციური სიტყვა დატოვა.

"ღმერთო, მადლობას გიხდი იმ ცხოვრებისთვის, რაც შენ მაჩუქე. მადლობა ოჯახისთვის, მეგობრებისთვის და იმ ერთადერთი პროფესიისთვის, რაც გამაჩნია. 30 წლის შემდეგ ჩემს მთავარ ახდენილ ოცნებას ვტოვებ. უკანასკნელი 20 წლის მანძილზე პროფესიონალურად ვაკეთებდი იმას, რაც ყველაზე მეტად მიყვარს. კიდევ 10 წელი მოსამზადებლად დამჭირდა.

ბავშვის ოცნების ვცხოვრობდი. მოგზაურობები, მოგებები, წაგებები, ფრეები, ეროვნული ჰიმნები, სტადიონზე შესვლები, გასახდელები, ტრიბუნებს ქვევით სივრცეები, ყველა ჩემი ბუცი, ყველა
კარგი და ცუდი კომბინაცია, ჩემი პირადი ჯილდოები, ვარსკვლავები, რომელთა გვერდითაც ვთამაშობდი. ეს ბრწყინვალე იყო! ამ რთულ გზაზე გვერდით მამა და ოჯახის ყველა წევრი მედგა. მათი კოლექტიური ძალისხმევა ლამაზ ისტორიად გადაიქცა.

იცით, რომ მორიდებული ადამიანი ვარ და ბევრი ლაპარაკი არ მიყვარს, თუმცა წრფელი გულით მინდა მადლობა გადაგიხადოთ. მწვრთნელებს, საფეხბურთო გაერთიანებების წარმომადგენლებს, ჩემი და სხვა გუნდების გულშემატკივრებს, ავტობუსის მძღოლებს, ფორმების მენეჯერებს, ბურთის მომტანებს, მსაჯებსა და ჟურნალისტებს. მადლობა თქვენ! თქვენ გარეშე კი არაფერი იქნებოდა!

მარტში გამოსამშვიდობებელი მატჩის დეტალებს შეგატყობინებთ. მადლობა, რომ ამდენი ხნის განმავლობაში მოტივაციას მაძლევდით! მადლობა სასიამოვნო შეტყობინებებისთვის. ძლიერ გეხვევით! ძალიან ბედნიერი ვარ, რომ სპორტის ეს სახეობა ცხოვრებად და სამსახურად ვაქციე."

დიდმა ფიგურებმა კი რონი ასე გააცილეს:

პეპ გვარდიოლა: "მესის გამოჩენამდე არავინ მენახა ეთამაშა ისე, როგორც ამას რონალდინიო აკეთებდა. მას შედეგის მიღწევის საოცარი შესაძლებლობები ჰქონდა."

ნეიმარი: "არასდროს დავივიწყებ რონალდინიოსთან ერთად თამაშს. მან საფეხბურთო ხელოვნებაში დიდი კვალი დატოვა, რომელსაც ვერავინ გაიმეორებს."

ლეო მესი: "შენგან ძალიან ბევრი რამ ვისწავლე. მოედანზე ვარსკვლავი იყავი, ცხოვრებაში კი ბრწყინვალე პიროვნება. ფეხბურთი შენს სიცილს არასდროს დაივიწყებს."

დღეს მომღიმარი ლეგენდა 41 წლის გახდა.

ტეგები:
მკითხველის კომენტარები / 7 /
ფეხბურთის ნამდვილი ჯადოქარი..ეფექტურობაზე ნამდვიკად გეთანხმებით.მაგრამ გონების სიმწირე ვერ გააკეთებინებდა იმ სპეკტაკლებს...მარადინაზე მაღლა დგას და სხვა მასთან მესის გარდა ახლოსაც ვერ მივა..ეგ სამეული საუკეთესოა და კიდევ დიდხანს ვერავინ მივა ამ სამ გენიოსთან...
Labirinti...
27 ივლისი 2021 10:08
0
ფეხბურთის ხელოვანი. მისი ვარჯიშიც კი განსაკუთრებულია. მასზე ლამაზად არავის უთამაშოა...
ჯონი
22 მარტი 2021 00:32
0
რონალდინიო ძალიან დიდი ფეხბურთელი იყო, ისეთ ფინტებს აკეთებდა, იშვიათად ვინმეს ან სულაც არავის შეეძლო მისი განმეორება,მაგრამ ეფექტიანობა უფრო დაბალი ჰქონდა ვიდრე სხვა დიდ ვარსკვლავებს, ასეთ რამეებს ცირკის ტრიუკებს ეძახიან ფეხბურთში. ჩემი აზრით ამის მთავარი მიზეზია საფეხბურთო აზროვნების სიმწირე.გონება და მხოლოდ გონება ყველა საქმეში გადამწყვეტ როლს თამაშობს!
მიუხედავად ყველაფრისა ჩემი უდიდესი პატივისცემა რონალდინიოს, რომელიც განუმეორებელი სპექტაკლებით გვანებივრებდა მისი კარიერის მანძილზე!
gia jashi
21 მარტი 2021 22:45
2
არ ჰქონია ხანგრძლივი კარიერა, მაგრამ ფეხბურთში უდიდესი კვალი დატოვა. სხვას არავის შეეძლო და შეუძლია ისეთ ტექნიკურ სირთულეებს შეეჭიდოს როგორც ის აკეთებდა. ის გეხბურთის ერთადერთი ჯადოქარი იყო...
ლევანი
21 მარტი 2021 20:23
0
ღმერთო მადლობა შენ, რომ მომეცი საშუალება ამ ადამიანის შემოქმედებით დავმტკბარიყავი. ეს უბრალოდ საოცრება იყო, მადლობა შენ საოცარო კაცო, იმისთვის რომ ძალიან გაალამაზე ჩვენი ცხოვრება.
გუიო
21 მარტი 2021 19:27
0
ხელოვნება იყო რონალდინიოს თამაში
გ.ხ.
21 მარტი 2021 17:59
0
Ჯადოქარმა თავის შესაძლებლობის 70% -იც ვერ აჩვენა.აი ვინ გაანიავა ნიჭი და არა იმან ჩვენ რომ გვგონია და ვიმეორებთ დარწმუნებით...
ბაბუაწვერა
21 მარტი 2021 17:15
2

ასევე დაგაინტერესებთ
სიახლეები პოპულარული